Трамп АҚШ тың мұнай үшін Иранда қалуы мүмкін екенін жоққа шығармады

Америкалық көшбасшы Дональд Трамп АҚШ-тың Иранда қалып, оның мұнайына қол жеткізу мүмкіндігін сақтап қала алатынын айтты. Ол бұл идеяны АҚШ-тың Венесуэламен жасасқан ірі мұнай келісімімен салыстырды, деп хабарлайды Tengrinews.kz тілшісі The Hill басылымына сілтеме жасап.

Басылым мәліметінше, ол бұл туралы жексенбі күні Ирландияда жүргенде журналистерге мәлімдеген.

Трамптың айтуынша, Иранмен арадағы қақтығыс аралық сайлаудан кейін аяқталады. Ақ үй басшысы ресми Тегеран келісімге келуге мүдделі екенін және оның өкілдері үнемі телефон соғып жатқанын айтты.

"Сайып келгенде, егер біз қалып, Венесуэладағыдай мұнайды өзімізге қалдыруды ұйғармасақ, ол жақтан кетеміз", – деп қосты ол.

ТОЛЫҚ НҰСҚАСЫ: Президент Дональд Дж. Трамп бүгін ертерек Ирландияның Дунбег қаласында журналистерге сұхбат берді pic.twitter.com/b927LBLHZa

— Rapid Response 47 (@RapidResponse47) 13 қыркүйек, 2026 жыл

Бұған дейін БАҚ АҚШ пен Венесуэла арасындағы "тарихтағы ең ірі" мұнай келісімінің егжей-тегжейі белгілі болды. Келісім шарттарына сәйкес, АҚШ North American Blue Energy Partners жеке компаниясынан тікелей үлес алады. Бұл компания 65 миллиард баррельге жуық қоры бар (латын америкалық ел резервінің бестен бір бөлігі) Венесуэланың 17 мұнай кен орнына ғасырлық иелік ету құқығына ие болады.

Келісімге Мемлекеттік департамент басшылық еткені, ал Пентагон қаржылық механизм іздеу мақсатында соңына қарай қосылғаны хабарланды. АҚШ 35 пайыздық үлесті иеленіп, өндірілген өнімнің 20 пайызын өзіндік құнымен сатып алудың басым құқығын алуды жоспарлап отыр.

Бізді Google-дың негізгі дереккөздер тізіміне қосыңыз