Трамп Гарри ханзаданың Украинадағы қақтығысты реттеуге қатысты сөзіне жауап берді

АСТАНА, 24 сәуір – Sputnik. АҚШ президенті Дональд Трамп Гарри ханзаданың Украинадағы қақтығысты реттеу бойынша айтқан пікіріне жауап беріп, оның сөзі Ұлыбританияның ресми ұстанымы емес екенін мәлімдеді.

Бейсенбі күні Гарри ханзада алдын ала жарияланбаған сапармен Киевке келіп, Украинадағы қақтығысты тоқтату үшін Трамп тарапынан анағұрлым белсенді әрекеттерді көргісі келетінін айтты.

"Гарри ханзада ма? Жағдайы қалай екен? Ал жұбайының жағдайы қалай? Оған менің ең жақсы тілектерімді жеткізіңіз, жарай ма? Менің нақты білетінім – Гарри ханзада Ұлыбританияның атынан пікір білдірмейді, бұл анық. Мен Ұлыбритания туралы Гарри ханзададан көбірек айтып жүрген сияқтымын, бірақ оның кеңесіне ризамын", - деп жауап берді Трамп Ақ үйдегі іс-шара барысында.

Жыл басынан бері Ресей мен Украина делегациялары АҚШ-тың қатысуымен келіссөздің үш раундын өткізді. Соңғысы 17-18 ақпанда Женевада өтті.

Ресей президентінің баспасөз хатшысы Дмитрий Песков 15 наурызда Украина бойынша келіссөз процесінде үзіліс болғанын, АҚШ басқа мәселелерге назар аударып отырғанын мәлімдеді.