Трамп Нетаньяху Палестинаны мойындауға келіседі деп санайды

АҚШ президенті Дональд Трамп Израиль премьер-министрі Биньямин Нетаньяхуды Палестина мемлекетін мойындауға көндіре алатынына сенімді. Бұл туралы ол CBS News телеарнасындағы «60 минут» бағдарламасына берген сұхбатында айтты, деп хабарлайды Arasha.kz.

Нетаньяхуды осындай шешімге итермелей ала ма деген сұраққа жауап берген Трамп израильдік басшыны «талантты адам» деп сипаттап, онымен бұрын жақсы жұмыс істегенін атап өтті.

«Иә, ол өз ісін жақсы білетін адам. Ол — соғыс уақытындағы премьер-министр. Маған оны анда-санда белгілі бір бағытқа бағыттау қажет болды. Мен бұл міндетті өте жақсы атқардым деп ойлаймын», — деді Трамп.