Трамп: Оңтүстік Парс газ кен орнын жарамын

АҚШ президенті Дональд Трамп егер Иран Катарға шабуыл жасаса, «Оңтүстік Парс» газ кен орнын «жарып жіберемін» деп қорқытты, деп хабарлайды Arasha.kz. 

Трамп Truth Social желісінде Оңтүстік Парс газ кен орны нысанына жасалған шабуыл туралы ұзақ жазба жариялады. Оның айтуынша, АҚШ Израильдің бұл әрекеті туралы «ештеңе білмеген», бірақ егер Иран Катарға қайта соққы берсе, Вашингтон шиеленісті күшейтуге дайын.

Трамптың баяндауынша, Израиль кен орнын «ашумен» соққылап, оның «салыстырмалы түрде шағын бөлігін» ғана зақымдаған. Ал Иран мұны білмей, жауап ретінде Катардағы Рас-Лаффан сұйытылған газ зауытына шабуыл жасаған. Бұл әрекетті АҚШ президенті «негізсіз әрі әділетсіз» деп атады.

Сондай-ақ, Трамп Израиль енді Оңтүстік Парсқа шабуыл жасамайды деп уәде беріп, бұл кен орнын «өте маңызды әрі құнды» деп сипаттады.

Алайда оның сөзінше, егер Иран Катарға тағы да шабуыл жасаса, онда АҚШ бұл кен орнын «Иран бұрын-соңды көрмеген күшпен» жойып жібереді.

Трамп мұндай деңгейдегі зорлық-зомбылық пен қирауды қаламайтынын айтты, өйткені оның Иран үшін ұзақ мерзімді салдары ауыр болуы мүмкін. Бірақ егер Катардың сұйытылған газ инфрақұрылымына тағы шабуыл жасалса, «екі ойланбастан әрекет етемін» деп мәлімдеді.