Трамп: Путин соғысты Украина аумағының бір бөлігін алмайынша тоқтатпайды

АҚШ президенті Дональд Трамп Ресей басшысы Владимир Путин Украинамен соғысты елдің бір бөлігін иемденбейінше тоқтатпайды деп мәлімдеді. Бұл туралы ол Fox News телеарнасына берген сұхбатында айтты.

«Ол бірдеңені алғысы келеді. Олар соғысып жатыр және оның белгілі бір аймақтарды бақылауға алғаны бар. Яғни ол қазірдің өзінде біраз жерді иеленіп отыр», – деді Трамп.

Сонымен қатар АҚШ президенті өз елінің Украинаны толық қарумен қамтамасыз ете алмайтынын атап өтті.
«Біз мұны толық жасай алмаймыз. Мен Зеленский мен Украинаға өте мейірімді болдым. Бірақ егер өзімізге қару-жарақ жетпей қалса, мен АҚШ-ты қауіпке тіккім келмейді», – деді ол.

Бұл мәлімдеме Вашингтонның Украинаға әскери көмекті шектеу мүмкіндігі туралы жаңа пікірталастарды тудырды.