Трамп Украинадағы соғыстың аяқталуы бұрын соңды болмағаннан да жақын екенін мәлімдеді

АҚШ президенті Дональд Трамп Украинадағы соғыстың аяқталуы "бұрын-соңды болмағандай жақын" екенін мәлімдеді, деп хабарлайды Tengrinews.kz тілшісі РБК сайтына сілтеме жасап.

"Жақында мен Владимир Путинмен - бұл туралы бұған дейін де айтқанмын - оның Украинамен соғысын аяқтау туралы сөйлестім; меніңше, біз бұған жақындап қалдық. Айтпақшы, қазір біз бұған бұрын-соңды болмағандай жақын болуымыз мүмкін", - деді Ақ үй басшысы.

Трамптың арнайы өкілі Стив Уиткофф Украина президенті Владимир Зеленскиймен Ослода және Кремль басшысы Владимир Путинмен Санкт-Петербургте өткен кездесулерінің қорытындысы бойынша Ресей-Украина соғысын аяқтау мәселелерін талқылау техникалық деңгейдегі үшжақты келіссөздер форматында жалғасатынын мәлімдеді.

Бұған дейін Зеленский қазіргі майдан шебін сақтай отырып, Ресеймен соғыс қимылдарын тоқтатуға болатынын мәлімдеген. Мұндай жағдайда Украинаның бақылауында ел аумағының шамамен 75 пайызы қалады.

Дәл сол күні Ресей президентінің көмекшісі Юрий Ушаков "Украинадағы қақтығыстың аяқталуы жақын екенін" хабарлады.

Бізді Google-дың негізгі дереккөздер тізіміне қосыңыз