Түнде минус, күндіз +20 ға дейін: Қазгидромет алдағы үш күнге арналған болжамды ұсынды

Қазгидромет алдағы үш күнге арналған ауа райы болжамын ұсынды. Оған сәйкес, 27, 28 және 29 қазанда Қазақстанның басым бөлігінде негізінен жауын-шашынсыз және салыстырмалы түрде жылы ауа райы күтіледі, деп хабарлайды Tengrinews.kz.

Астана мен Алматыда жауын-шашын болжанбайды, күндізгі температура тиісінше +10 және +14 градусқа дейін жылынады.

"Түнгі уақытта еліміздің барлық дерлік өңірінде термометр бағаны теріс мәнді көрсеткенімен, күндіз ауа температурасы республиканың солтүстігі мен шығысында қолайлы +5…+10 градусқа дейін, батысында +15…+20 градусқа дейін, ал оңтүстігінде +12…+17 градусқа дейін көтеріледі", - делінген хабарламада.

27 қазанда күн құбылмалы бұлтты болады, жауын-шашын болжанбайды. Түнде және таңертең тұман түсуі мүмкін. Солтүстік бағыттағы желдің жылдамдығы секундына 2-7 метр. Ауа температурасы түнде -1…-3 градус, күндіз +8…+10 градус.

28 қазанда да күн құбылмалы бұлтты болып, жауын-шашынсыз өтеді. Түнде және таңертең тұман түседі деп күтіледі. Батыс, солтүстік-батыс бағытынан соғатын желдің жылдамдығы секундына 3-8 метр. Ауа температурасы түнде -1…-3 градус, күндіз +8…+10 градус.

29 қазанда күн құбылмалы бұлтты болып, жауын-шашын күтілмейді. Батыс, солтüстік-батыс бағытынан соғатын желдің жылдамдығы секундына 5-10 метр. Ауа температурасы түнде -1…-3 градус, күндіз +6…+8 градус.

27 қазанда күн құбылмалы бұлтты болады, жауын-шашынсыз ауа райы болжанады. Солтүстік-шығыс бағытындағы желдің жылдамдығы секундына 3-8 метр. Түнде 1-3 градусқа дейін үсік жүреді, күндіз +11…+13 градус.

28 және 29 қазанда күн құбылмалы бұлтты болып, жауын-шашынсыз ауа райы сақталады. Солтүстік-шығыс бағытындағы желдің жылдамдығы секундына 3-8 метр. Ауа температурасы түнде 0…+2 градус, күндіз +12…+14 градус.

Тағы оқыңыз: Үсік, қар және +23 градус: Қазақстанда қараша айы қандай болады?

Бізді Google-дың негізгі дереккөздер тізіміне қосыңыз