Түркия қорғаныс шығындарын 229 пайызға арттырады

Түркия ұлттық қорғаныс пен қауіпсіздік бюджетін ұлғайтуды жоспарлап отыр. Бұл бағыттағы шығыстар 229 пайызға артады, - деп хабарлайды Tengrinews.kz тілшісі Turkiye Today-ге сілтеме жасап.

Қаржыландыру көлемінің едәуір артатынын Түркия вице-президенті Джевдет Йылмаз Анкарада Үкіметтің 2027–2029 жылдарға арналған үш жылдық экономикалық жоспарын айқындайтын Орта мерзімді экономикалық бағдарламаның таныстырылымы барысында мәлімдеді.

Йылмаздың айтуынша, елдің негізгі басымдығы әскери-өнеркәсіптік кешен саласында толық тәуелсіздікке қол жеткізу және жеке жоғары технологиялық қару-жарақ түрлерін әзірлеу болып қала береді.

"Қорғаныс өнеркәсібінде біз озық технологияларды өз бетінше әзірлейтін және қосылған құны жоғары өнім шығаратын Түркияға бағыт алдық", - деді вице-президент.

Бюджеттің айтарлықтай ұлғаюы Түркияға жойғыш ұшақтарды, әуе шабуылына қарсы қорғаныс жүйелерін, ұшқышсыз ұшу аппараттары мен сауытты техникаларды жасау бойынша ағымдағы жобаларды жеделдетуге, сондай-ақ елдің әскери компоненттер импортына тәуелділігін төмендетуге мүмкіндік береді.

Бұған дейін Түркия, Сауд Арабиясы және Пәкістан қорғаныс саласында жаңа үшжақты келісімге қол қойған болатын. Құжат үш елдің біріне қарулы шабуыл жасалған жағдайда өзара қолдау көрсетуді қарастырады.

Бұдан бөлек, ел НАТО мүшесі болып табылады.

ҚАЗІР ТАЛҚЫЛАНЫП ЖАТЫР

Астана-1 вокзалын жөндеу: қашан аяқталады және қазіргі жағдайы қандай?

05 қыркүйек 14:58 1

Google News арқылы жаңалықтарымызды қадағалаңыз