Түркия қорғаныс министрлігі ұшақ апатында 20 әскери қаза болғанын растады

Түркияның Ұлттық қорғаныс министрлігі Грузияда құлаған C-130 әскери тасымалдау ұшағында 20 әскери қызметкер қаза болғанын растады, деп хабарлайды Report.

Апат 2025 жылғы 11 қарашада Грузия–Әзірбайжан шекарасына жақын жерде орын алды.

Ұшақта болған барлық 20 әскери қызметкер қаза тапты. Құтқару және апат орнындағы тергеу жұмыстары Грузия билігімен бірлесе жүргізілді.

Түркия қорғаныс министрі Яшар Гюлер қаза тапқан әскери қызметкерлердің отбасыларына көңіл айтты:

«Біздің батыл жауынгерлік әріптестеріміз 11 қараша 2025 жылы, Әзірбайжаннан Түркияға ұшып келе жатқан C-130 әскери тасымалдау ұшағының апатқа ұшырауы салдарынан қаза тапты. Өз атымнан және Ұлттық қорғаныс министрлігі атынан олардың отбасыларына қайғырып көңіл айтамын, Алладан марқұм болған батырларымызға рахым, ал отбасыларына төзімділік тілеймін».

Апат себептері қазіргі уақытта тергеу комиссиясы арқылы жан-жақты зерттеліп жатыр. Құтқару-қалпына келтіру жұмыстары әлі де жалғасуда.

Бүгін, 12:49