Түркия СІМ: Global Sumud флотилиясына шабуыл қарақшылық әрекет

Анкара қатаң мәлімдеме жасады: Түркияның Сыртқы істер министрлігі Израильдің халықаралық гуманитарлық флотилия Global Sumud-қа жасаған шабуылын «қарақшылық әрекет» деп атады.  Бұл туралы АА хабарлады.

Министрліктің хабарлауынша, Газаға көмек жеткізуді мақсат еткен флотилияға қарсы күш қолдану халықаралық құқық пен теңіздегі еркін қозғалыс қағидатын бұзады. Түркия әлемдік қауымдастықты Израильдің заңсыз әрекеттеріне ортақ ұстаным танытуға шақырды.  

Сонымен қатар, ведомство түрік азаматтары мен басқа да қатысушылардың жағдайына байланысты қажетті шаралар қабылданып жатқанын атап өтті.  

Global Sumud флотилиясы 12 сәуірде Барселонадан теңізге шығып, 26 сәуірде Сицилиядан кейін 60-тан астам кемемен Жерорта теңізіне қайта шыққан. 29 сәуірге қараған түні Крит маңындағы халықаралық суларда Израиль әскері белсенділер отырған кемелерге заңсыз араласқан. Ұйымдастырушылардың дерегінше, флотилия құрамында 39 елден 345 қатысушы болған, олардың ішінде Түркия азаматтары да бар.  

Қазіргі уақытта ондаған кемемен байланыс үзілген, белсенділердің жағдайы туралы нақты ақпарат жоқ. Бұған дейін, 2025 жылдың қыркүйегінде де Израиль әскері флотилияға халықаралық суларда араласқан еді.  

Бұл оқиға халықаралық деңгейде үлкен резонанс тудырып отыр.

Бүгін, 13:58