Түркиядағы жұлдыздар қатысқан жанжал: жеті танымал тұлғадан есірткі табылды

Түркияда танымал тұлғалардың қатысы болуы мүмкін делінген есірткі ісі бойынша сот-медициналық сараптаманың нәтижелері белгілі болды. Модель Дидем Сойданды қоса алғанда, жеті адамның сараптамасы оң нәтиже көрсетсе, тағы төрт адамдікі теріс болып шықты, - деп хабарлайды Haberler порталына сілтеме жасаған Tengrinews.kz.

Түркияда танымал тұлғалардың қатысы болуы мүмкін делінген есірткі ісі бойынша сот-медициналық сараптаманың нәтижелері белгілі болды. Модель Дидем Сойданды қоса алғанда, жеті адамның сараптамасы оң нәтиже көрсетсе, тағы төрт адамдікі теріс болып шықты, - деп хабарлайды Haberler порталына сілтеме жасаған Tengrinews.kz.

Стамбул прокуратурасы жүргізген тергеу мәліметтеріне сәйкес, 27 наурызда Сот медицинасы институтында Дидем Сойдан, Онур Талай, Исмаил Берхан Перинчекли, Мустафа Тари, Ферхат Айдын, Корай Серенли және Озан Гюмюштен қан мен шаш үлгілері алынған. Сараптама нәтижелері олардың ағзасында тыйым салынған заттар барын растады.

Сонымен қатар Керим Сабанджи, Гюзиде Дуран Аксой және Онур Бюкчюдің ағзасынан есірткі ізі табылмады. Батуарай Оздемирдің де сараптамасы теріс нәтиже көрсеткен, алайда оның шашынан медициналық антидепрессанттардың белсенді компоненті - сертралин заты анықталған.

Бұған дейін Стамбул прокуратурасы 25 наурызда есірткіні жеке қолдану үшін сақтады немесе қолдануға септігін тигізді деген күдікпен 16 адамды ұстауға ордер берілгенін хабарлаған болатын.

Іс бойынша айыпталушылар арасында "Есігімді қақ" (Постучись в мою дверь) сериалының жұлдызы Ханде Эрчел, актрисаның бұрынғы сүйіктісі - миллионер Хакан Сабанджи, сондай-ақ Фикрет Орман, Гюзиде Аксой (Гюзиде Дуран), Керим Сабанджи, Бурак Элмас, Сезгин Кёйсурен, Ферхат Айдын, Лютфие Тугче Озбудак, Корай Серенли, Онур Бюкчю, Исмаил Берхан Перинчекли, Каан Мелларт, Дидем Сойдан, Онур Талай және Мустафа Тари бар.

Жауап алудан кейін күдіктілердің бір бөлігін қамауға алу туралы өтінішпен сотқа жіберген. Нәтижесінде сот Корай Серенлиді, Онур Талайды, Сезгин Кёйсуренді және Мустафа Тариді қамауға алу туралы шешім шығарды. Тағы бірқатар күдіктіге қатысты елден шығуға тыйым салу және үй қамағы түріндегі бұлтартпау шаралары таңдалды. Онур Бююктопчу жауап бергеннен кейін босатылған.