Тыйым салынған жерге көлік қойғандар енді жазадан құтыла алмайды: Жаңа бақылау жүйесі іске қосылды

Астанада жол қауіпсіздігін күшейту және заңсыз автотұрақтарды азайту мақсатында жаңа мобильді бақылау жүйесі іске қосылды. Енді «Заң мен тәртіп» логотипі бар арнайы кешендер көшелерді бақылап, ереже бұзған көліктерді автоматты түрде тіркейді, деп жазады Egemen.kz.

Фото: Астана әкімдігі

Жоба елорда прокуратурасы мен қалалық мекемелердің бірлесуімен жүзеге асып отыр. Арнайы жабдықталған көліктер тыйым салынған жерлерге қойылған автокөліктерді анықтап, құқықбұзушылықты бірден жүйеге енгізеді. Соның негізінде айыппұл рәсімделеді.

Мамандардың айтуынша, ретсіз қойылған көліктер жол қозғалысына айтарлықтай қауіп төндіреді. Әсіресе, олар жүргізушілердің көру аумағын шектеп, балалардың жолды қауіпсіз кесіп өтуіне кедергі келтіреді. Сондай-ақ мұндай жағдайлар жедел жәрдем мен өрт сөндіру қызметтерінің қозғалысын қиындатады.

Қалалық жол қозғалысын ұйымдастыру орталығының мәліметінше, мобильді аппараттық-бағдарламалық кешендер қала көшелерінде тұрақты түрде жұмыс істейді. Жүйе арнайы маршрутпен қозғалып, тыйым салынған аймақтарды үздіксіз бақылайды.

Астанадағы автотұрақтар толығымен қала меншігіне өтті

Орталық жүргізушісі Зархан Сапарқұлдың сөзінше, бір мобильді кешен күніне орта есеппен 100-ге жуық құқықбұзушылықты тіркей алады.

«Егер жүргізуші ережені бірнеше рет бұзса, айыппұл да қайта рәсімделеді. Сондықтан мұндай бақылау жүйесі жүргізушілерді тәртіпке бейімдейді», деді ол.

Кешендер интернет құрылғысымен жабдықталған. Соның арқасында құқықбұзушылық туралы ақпарат жүйеге бірден жіберіліп отырады.

Жоба аясында тек бақылау жүргізілмейді. Тұрғындарға түсіндіру жұмыстары ұйымдастырылып, жол қауіпсіздігіне қатысты ақпараттық буклеттер таратылады. Ұйымдастырушылардың айтуынша, бастама ай сайын 100 мыңнан астам адамды қамтиды.

Астана қаласы прокуратурасының басқарма прокуроры Ақжол Сәтілда заңсыз автотұрақтың салдары ауыр болуы мүмкін екенін айтты.

«Тыйым салынған жерге көлік қою жаяу жүргіншілерге, әсіресе балаларға қауіп төндіреді. Жол ережесін елемеу ауыр зардаптарға әкелуі мүмкін. Мұндай жүйелер құқықбұзушылықтардың алдын алып, жолдағы тәртіпті күшейтуге мүмкіндік береді», деді прокурор.

Көлік көп, орын аз: Автотұрақ мәселесі қалай реттеледі?

Соңғы жаңалықтар

Тыйым салынған жерге көлік қойғандар енді жазадан құтыла алмайды: Жаңа бақылау жүйесі іске қосылды

Қоғам • Бүгін, 16:05

Астанадағы LRT аялдамаларының атаулары белгілі болды

Оқиға • Бүгін, 16:00

Кіші Талдыкөлдегі экопарк құрылысы биыл басталады

Инфрақұрылым • Бүгін, 15:57

Ердоғаннан тарту: Түркия Қазақстан Тәуелсіздігінің 35 жылдығына арналған кітап дайындады

Қазақстан • Бүгін, 15:38

LRT-ның нақты қай күні іске қосылатыны белгілі болды

Қоғам • Бүгін, 15:21

Жылдық 5%: Шаруаларға жеңілдетілген несие алу үшін қандай талап қойылды?

Шаруашылық • Бүгін, 15:17

Ұлытау облысында 30 отбасы қоныс тойын тойлады

Аймақтар • Бүгін, 15:16

Маңғыстауда ашық аспан астындағы археологиялық музей салынады

Музей • Бүгін, 15:05

LRT жолақысы қымбаттай ма: Әкімдік жауап берді

Қоғам • Бүгін, 14:45

Оралда әйел ер адамнан жеке суреттерін таратпау үшін 500 мың теңге талап еткен

Оқиға • Бүгін, 13:49

Өскемендегі саябақтан Жақсылық Үшкемпіровтің құрметіне орнатылған мүсін жоғалып кетті

Қоғам • Бүгін, 13:37

Түрмеден кейін де тіршілік бар: Қызылордада сотталғандарға жұмыс ұсынылды

Қоғам • Бүгін, 13:25

Өзбекстан Президенті Түркістан халқына ерекше тарту жасады

Президент • Бүгін, 13:06

Қосшы, Қарағанды әлде Павлодар: Астананың екінші әуежайы қай бағытта салынуы мүмкін?

Оқиға • Бүгін, 12:55

Алматы облысында соққыға жығылған жігіт қаза тапты: Күдіктілер қылмысты жасырмақ болған

Оқиға • Бүгін, 12:50

Барлық жаңалықтар