Уфада Салтанат би ансамблі өнер көрсетті

Іс-шараға Қазақстан атынан «Салтанат» мемлекеттік би ансамблі қатысты, – деп хабарлайды Аikyn.kz Мәдениет және ақпарат министрлігінің баспасөз қызметіне сілтеме жасап.

Фестиваль аясында «Салтанат» би ансамблі Фәйзи Ғасқаров атындағы Башқұртстан мемлекеттік академиялық халық биі ансамблімен бір сахнада өнер көрсетті. Қос ұжым қазақ пен башқұрт халқының би өнерін үндестіріп, ұлттық дәстүр мен сахна мәдениетінің үйлесімін көрсетті.

Кеш барысында көрермен назарына ұлттық би өнерінің озық үлгілері ұсынылды. Өнер кеші мазмұнды бағдарламамен жалғасып, фестивальге 700-ден астам адам жиналды.

Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.