UFC дегі жеңісінен айырылды: Әліби Ыдырыс допинг туралы пікір білдірді

Қазақстандық UFC файтері Әліби Ыдырыс допинг сынамасы оң нәтиже көрсетуіне байланысты пікір білдірді, соның салдарынан ол дисквалификация алды, - деп хабарлайды Tengri Sport.

Қазақстандық UFC файтері Әліби Ыдырыс допинг сынамасы оң нәтиже көрсетуіне байланысты пікір білдірді, соның салдарынан ол дисквалификация алды, - деп хабарлайды Tengri Sport.

Әлібидің айтуынша, ол және оның командасы салмақ қуу кезінде қабылдаған препараттың тыйым салынған заттар тізіміне кіретінін білмеген.

"Бір жарым ай бұрын сіздерді жарқын жеңісіммен қуантқан болатынмын. Бірақ бүгінде жағымсыз жаңалық: сол жекпе-жегімізді санамай жатыр. Неге? Көптеген ақпарат тарады, Әліби допингпен ұсталды деген сияқты. Бұл дәріханалық зат, яғни зәр шығаратын. Апта бойы көп су ішкен соң, ағзадағы суды шығаруға көмектесетін осы препаратты қолдандым", - деді спортшы әлеуметтік желіде.

Оның айтуынша, бұл дәріханада еркін сатылатын препарат.

"Бұл менің қателігім және біздің спортшыларға сабақ: дәріханадағы көп затқа тыйым салынған. Бұл ешқандай да тестостерон, мастерон, милдронат сияқты тыйым салынған препарат емес", - деп қорытындылады ол.

Айта кетейік, Ыдырыстың дисквалификациясы 2026 жылғы 21 ақпанда оның Оде Осборнға қарсы жеңісті жекпе-жекке дайындық кезеңінде сынама тапсырған күні басталды. Шеттетілу мерзімі 2027 жылғы 21 ақпанда аяқталады.

Еске салайық, Әліби UFC-де бар болғаны екі жекпе-жек өткізді: Моралестен жеңіліп, Осборнды жеңді. Енді оның америкалық лигадағы рекорды 0-2 болады.

Посмотреть эту публикацию в Instagram

Публикация от Alibi Idiris (@alibi_idiris)

Сілтемесіз жаңалық оқисыз ба? Онда Telegram желісінде парақшамызға тіркеліңіз!