Украина қақтығысты тоқтата тұруға дайын

Ресей мен Украина күштері қазіргі майдан шебінде атысты тоқтата тұруға тиіс. АҚШ президенті Дональд Трамп бұқаралық ақпарат құралдарына берген сұхбатында осылай деп пікір білдірді. Оның айтуына қарағанда, Ресей қазір аумақтың 78 пайызын уысында ұстап отыр. Алайда Трамп нақты қандай аумақ екенін ашып айтпады. 

Десе де Ақ үй басшысы «Ресей президентімен Донбасс мәселесін талқылаған жоқпыз», - деп мәлімдеді. Осыған дейін Владимир Зеленский бейбіт келіссөз бастау үшін қазіргі майдан шебінде үзіліс жасауға дайын екенін жеткізген. Сондай-ақ кез келген форматта кездесу өткізуге ыңғай танытты. Еске салайық, өткен аптада екі ел басшылары телефон арқылы сөйлесіп, алдағы екі аптада Будапештте кездесуге уағдаласқан болатын.