Украина Қарулы күштерінің ЛХР ға шабуылынан қаза тапқандар саны төртке жетті

АСТАНА, 22 мамыр – Sputnik. Луганск Халық Республикасының Старобельск қаласында құтқарушылар Украина Қарулы күштерінің шабуылынан кейін қирандыларды тазалауды жалғастырып жатыр.

Луганск педагогикалық университеті колледжінің оқу ғимараты мен жатақханасына Киев режимі соққы берді. Соққы жасалған кезде онда 14 пен 18 жас аралығындағы 86 бала болған.

"Құтқарушылар қирандыларды тазалауды жалғастырып жатыр, екеуі жер бетіне шығарылып, медицина қызметкерлеріне тапсырылды. Қирандылардың астында әлі де балалар бар, іздеу жұмыстары жалғасып жатыр", - деді бұған дейін ЛХР басшысы Леонид Пасечник.

Кейінірек төрт адамның қаза болғаны туралы хабарланды. Ресей денсаулық сақтау министрлігінің мәліметінше, жарақат алған сегіз адам ауруханада жатыр, үшеуінің жағдайы ауыр. Жарақат алған жиырма тоғыз адамға амбулаториялық көмек көрсетілді.

© Photo : Телеграм-канал главы ЛНР Леонида ПасечникаУкраина Қарулы күштерінің ЛХР-ға шабуылы

Украина Қарулы күштерінің ЛХР-ға шабуылы

© Photo : Телеграм-канал главы ЛНР Леонида Пасечника

Ресей сыртқы істер министрлігінің ерекше тапсырмалар жөніндегі елшісі Родион Мирошниктің айтуынша, Луганск педагогикалық университетінің Старобельск филиалында 1500-ден астам студент оқып келген.

"Қирандылар астында қалған университет студенттері мен оқытушыларының саны 18-ге дейін болуы мүмкін. Куәгерлердің айтуынша, филиал аумағындағы қирау деңгейі адам шошырлықтай. Негізгі соққы филиалдың оқу ғимараты мен жатақханасына бағытталған", - деді Мирошник.

Леонид Пасечниктің айтуынша, Старобельскіде әкімшілік ғимараттар, дүкендер және жеке үйлер де зақымдалған. Олардың бірінде бір адам жарақат алып, медициналық көмек алған.

Ресей Тергеу комитеті бұл оқиғаға байланысты қылмыстық іс қозғалғанын хабарлады.

"Ресей Федерациясы Тергеу комитетінің бас тергеу департаменті Луганск Халық Республикасының Старобельск қаласындағы бейбіт тұрғындарға жасалған жаппай шабуылға байланысты террористік акт бойынша қылмыстық іс қозғады", - делінген мәлімдемеде.

Тергеу комитеті бұл Украинаның төрт Ұшқышсыз ұшу аппаратымен жасаған нысаналы шабуылы екенін хабарлады.

© Photo : Телеграм-канал посла по особым поручениям МИД РФ Родиона МирошникаУкраина Қарулы күштерінің ЛХР-ға шабуылы

Украина Қарулы күштерінің ЛХР-ға шабуылы

© Photo : Телеграм-канал посла по особым поручениям МИД РФ Родиона Мирошника

"Оқиға болған кезде жатақхана ғимаратында 86 студент және бір қызметкер болған деп болжанып отыр. Оқиға салдарынан бес қабатты ғимарат екінші қабатқа дейін опырылып құлады. Бірнеше адам қирандылардың астында қалып қойған деп болжанып отыр. Қаза тапқандар мен жараланғандар саны анықталып жатыр", - деп хабарлады Ресей Федерациясының Тергеу комитетінде.

Ал Женевадағы БҰҰ жанындағы Ресейдің Тұрақты өкілдігі БҰҰ-ның адам құқықтары жөніндегі жоғарғы комиссарынан Киевтің ЛХР-дағы колледжге шабуылын жария түрде айыптауды талап етті.

"Біз БҰҰ-ның адам құқықтары жөніндегі Жоғарғы комиссары Фолькер Тюрк пен ол басқаратын басқармадан, сондай-ақ адам құқықтары жөніндегі Кеңестің тиісті арнайы рәсімдерінен Киев режимінің бұл шабуылын жария түрде айыптауды талап етеміз", - деп мәлімдеді дипломатиялық миссияда.