Украинадағы бейбітшілік бойынша АҚШ қана араағайындық жасай алады Рубио

АСТАНА, 14 мамыр – Sputnik. АҚШ Мемлекеттік хатшысы Марко Рубио Украинадағы келісімге тек АҚШ-тың ғана араағайындық жасай алатынын мәлімдеді, деп хабарлады РИА Новости.

"Менің ойымша, біз мұны істей алатын әлемдегі жалғыз елміз. Егер басқа біреу істегісі келсе, істеп көрсін. Бірақ екі тарап та бізге мұны тек біз ғана жасай алатынымызды айтып келеді", - деді Рубио Fox News арнасына.

АҚШ Мемлекеттік хатшысы қақтығыстан кейін Украинаны қалпына келтіру процесіне қанша уақыт қажет болатынына қатысты өз пайымымен бөлісті.

"Украина қалпына келтіруге екі онжылдық жұмсайды", - деді Рубио.

Ол сонымен қатар АҚШ президенті Дональд Трамптың Украинадағы қақтығыстың аяқталуын әлі де қалайтынын жеткізді.

Ресей Украина дағдарысын келіссөздер арқылы шешуге дайын екенін бірнеше рет мәлімдеді. Трамп бұған дейін Киев режимінің Украинадағы келісімге келуге құлықсыздығына таң қалғанын айтқан. Америкалық көшбасшы Владимир Зеленскиймен келісімге келу Ресей президенті Владимир Путинмен салыстырғанда "әлдеқайда қиын" екенін айтты.