Украинаның оңтүстігінде Ресей әскері күн сайын 300 ден астам сарбазынан айырылуда

Украинаның оңтүстігінде ресейлік күштер тәулігіне шамамен 300–350 әскери қызметкерінен және жүзге жуық қару-жарақ пен әскери техникасынан айырылып жатыр. Бұл туралы Украинаның Оңтүстік қорғаныс күштерінің өкілі Владислав Волошин телемарафон эфирінде мәлімдеді.

Оның айтуынша, аймақтағы жағдай «айтарлықтай күрделі», алайда соңғы уақытта ахуалда күрт өзгеріс байқалмаған. Қорғаныс күштері диверсиялық топтарды анықтап, жою мақсатында қарсы диверсиялық және барлау іс-шараларын жалғастырып жатыр. Ұрыстар бірнеше бағытта, соның ішінде Гуляйполе маңында жүріп жатыр.

Волошиннің мәліметінше, бұл бағытта украин әскері Ресейдің 5, 29, 35 және 36-армияларына қарсы соғысып жатыр. Аталған бөлімдер Запорожье облысындағы бірқатар елді мекендерді бақылауға алуға және Гуляйполеге қарай ілгерілеуге әрекет жасауда.