Ұлттық экономика министрлігі 6 айдан астам бос тұраған штатты қысқартады

Министрлік мәліметінше, құжат бір мезгілде еңбекақы төлеу қорын түзете отырып, 6 айдан астам бос тұрған штат бірліктерін қысқартуды көздейді.

Бұл ретте нормалар бірінші басшылардың, маусымдық қызметкерлердің, ядролық физика, жоғары технологиялық жабдықтар бойынша немесе сирек кездесетін инженерлік маман сияқты онсыз ұйымның жұмыс істеуі мүмкін емес бірегей өндірістік және жоғары мамандандырылған қызметкерлердің лауазымдарына, сондай-ақ еңбек заңнамасына сәйкес жұмыс орнын сақтау жағдайында қолданылмайды.

Өзгерістер кезінде ұйымдардың даму жоспарына түзетулер енгізудің тәртібі белгіленді. Ұзақ уақыттан бері жарияланған бос жұмыс орны анықталған кезде, атқарушы орган бос жұмыс орнын қысқарту мен еңбекақы төлеу қоры туралы мәліметті қоса алғанда ұсынылған өзгерісті негіздей отырып, нақтыланған даму жоспарын ұсынуға міндетті. Нақтыланған жоспарды қарау мен бекіту белгіленген мерзімде, осы жылғы 25 маусым мен 25 желтоқсаннан кешіктірілмей жүзеге асырылады.

Сондай-ақ есеп беруге қойылатын талап та нақтыланды. Ұйымдар персонал мен еңбекақы төлеу қоры туралы мәліметті, оның ішінде бос штат бірлігін қысқарту туралы деректі көрсетеді.

— Қабылданып отырған бұл шаралар кадр процестерінің ашықтығын арттыруға, бюджет қаражатын ұтымды пайдалануға және мемлекеттік ұйымдардағы адами ресурсты басқару тәртібін күшейтуге арналған, — деп атап өтеді ведомстводан. 

Айта кетелік жұмысшы мамандықтар жылы қандай оңтайлы нәтиже болғаны туралы жазған едік.