Ұлттық киім ұлттың айнасы

Республика күні мерекесіне орай Өскеменде ұлттық киімдердің сән көрсетілімі өтті.

Онда қойылған қазақы шапандар мен бас киімдер үлгісі елге танымал дизайнердің қолынан шыққан. Шарада алғаш болып «Хазар» топтамасы таныстырылды. Өрнекпен көмкерілген бұл туындылар ұлттық нақышты заманауи пішінмен үйлестіріп, халық мұрасын насихаттауға бағытталған. Алайда көрермендердің ерекше ықыласына бөленгені «Берел алтыны» топтамасы болды. Әр шапан мен бешпетке Қатон-Қарағайдағы Берел қорғанынан табылған ежелгі алтын әшекейлердің бейнесі бедерленген. Бұл идея арқылы дизайнер Шығыс Қазақстанның тарихи жәдігерлерін сән әлемінде жаңаша көрсетуге тырысқан. Көрсетілімде ұлттық нақыштағы шапандармен қатар камзолдар, сәукеле және ерлерге арналған киімдер көпшілік назарына ұсынылды.

Тарбия Айдымбаева, отандық дизайнер:

- Ең біздің мақтан тұтатынымыз бүгін біз шығыстағы Берел қорғандарында табылған алтындардан жасалған топтаманы көрсеттік, ол тек қана топтама деп айтқанда әрі ауа райын да ескердік салқынға арналған. Онымен бірге ішінде құс жүні бар. Барлық жаңағы қорғандардан табылғңан алтындардан топтама жасап ұсынып осыны жатырмыз.