Ұлттық құрылтай: байырқалы бастамалар аз емес

Өңірлерде жаңа салық кодексін кеңінен түсіндіру керек. Шағын және орта бизнес өкілдері жаңа өзгерістерге бейімделуі маңызды. 

Бұл туралы Қызылордада өтіп жатқан ұлттық құрылтайдың секциялық отырысында Мәжіліс депутаты Ерлан Саиров айтты. Азаматтық қоғам және экономика тақырыптарына арналған талқылауларда тағы қандай мәселелер көтерілді? 

Нұрлан Жақыпбеков, тілші:

- Ел дамуына дем беретін бастамаларды жүйелі жолға қою маңызды. Ұлттық құрылтай мүшелерінің ортақ ойы осы. Еліміздің әр тарапынан келген сан саланың майталманы түрлі ұсынысты ортаға салды. Басты мақсат – экономиканы ілгері бастыру, азаматтық қоғамды дамыту. Бүгінде кәсіпкерлікті дамытуға мемлекет тарапынан түрлі қолдаулар бар. Жеңілпайзды несие, қайтарымсыз грант бөлу, субсидия секілді тетіктер аз емес. Енді оның тиімділігін арттыру үшін цифрлық технологиялар қолданылады. Бақылау күшейіп, нәтижесі сараланады. Бүгінде шешімін тапқан бұл бастамалар бұған дейін ұлттық құрылтайда көтерілген мәселелер. Бұдан бөлек, жаңа салық кодекісін шағын және орта бизнес өкілдеріне кеңінен түсіндіру, өңірлерді дамыту, бюджет қаржысының тиімділігін арттыру секілді ұсыныстар талқыға салынды. Қызу талқылау азаматтық қоғам секциясында да жалғасты. Мұнда қоғаммен диалог және қоғамдық институттардың рөлі сөз болады. Ал қазір менің жанымда Ұлттық құрылтай мүшесі Сырымбек Тау тұр.

Сырымбек Тау, Ұлттық құрылтай мүшесі:

- Бүгін жалпы Ұлттық құрылтайдың төрт секциясы өтті. Барлық ұсыныстар елеусіз қалмай, зерделеуден өтеді. Әзірге менде бар ақпарат осы. Сөз кезегі өзіңізде.