Ұлы дала ойындары отбасылық эстафетасы өтті

— Биылғы байқаудың өзіндік ерекшелігі бар. Мемлекет басшысы 2026 жылды Цифрландыру және жасанды интеллект жылы деп жариялағандықтан, біз де іс-шарада жасанды интеллектіні қолдандық. Қатысушылардың көрсеткішін, ұпайын, қанша калория энергия жұмсағанын ЖИ есептеді, — дейді Ержігіт Өсербай.

Фото: Алпамыс Файзолла/Kazinform

Жарысқа әрқайсысының 15 мүшесі бар 9 команда қатысты. Бес отбасы бір командаға бірікті (5 әке, 5 ана және 8-10 жас аралығындағы 5 бала).

Фото: Алпамыс Файзолла/Kazinform Фото: Алпамыс Файзолла/Kazinform

Айта кетейік спорттық іс-шарада әкелер садақ ату, қошқар көтеру, нарқұдық, ләңгі тебу және «тосын сыйы бар сандық» байқауларында күш сынасты. Аналар шалқұймақ эстафетасы, лабиринт, хан арқан, бес асық, үлкен қасық асық бөлімдерінде сынға түсті. Ал балалар асық атып, арқан тартысып, көкпар ойнап, асық тауып және қаппен секіріп жарысты.

Фото: Алпамыс Файзолла/Kazinform Фото: Алпамыс Файзолла/Kazinform

— Мұндай эстафетаның маңызы зор. Біріншіден, ұлттық спорт түрлері мен салт-дәстүрді дәріптейді. Екіншіден, тұрғындарды, әсіресе, балаларды салауатты өмір салтына баулиды. Отбасылық құндылықтарды насихаттап, ынтымақ-бірлікті де нығайтады. Өзім әйелім және қызыммен қатыстым. Жарыс қызықты өтті, — дейді қатысушы Ермек Жандарбаев.

Фото: Алпамыс Файзолла/Kazinform Фото: Алпамыс Файзолла/Kazinform

Эстафета қорытындысында жеңімпаздар мен қатысушыларға сыйлықтар табысталды.

Еске салайық бұған дейін Наурызнама онкүндігі аясында 747 спорттық іс-шара өтетінін жазғанбыз.