Ұлытау облысы бойынша Тұтынушылардың құқықтарын қорғау департаментіне жаңа басшы келді

Сауда және интеграция министрлігі Тұтынушылардың құқықтарын қорғау комитетінің Ұлытау облысы бойынша департаментінің басшысы болып Жасұлан Айтуғанұлы Дәулетбаев тағайындалды.

Жасұлан Дәулетбаев Қарағанды экономикалық университетін және М. Дулатов атындағы Қостанай инженерлік-экономикалық университетін «Заңтану» және «Менеджмент» мамандықтары бойынша тәмамдаған.

Еңбек жолын 2009 жылы Ұлттық қауіпсіздік комитетінің Шекара қызметінде бастаған.
2014 жылы Қарағанды қаласының Жұмыспен қамту және әлеуметтік бағдарламалар бөлімінде бас маман-заңгер қызметін атқарған.

2015–2016 жылдары Қарағанды облысы бойынша Тұтынушылардың құқықтарын қорғау департаментінде бас маман және бөлім басшысы болған.

2016–2017 жылдары Сәтбаев қалалық тұтынушылардың құқықтарын қорғау басқармасы басшысының орынбасары қызметін атқарды.

2017–2024 жылдары Сәтбаев қаласында Тауарлар мен көрсетілетін қызметтердің сапасы мен қауіпсіздігін бақылау, сондай-ақ санитариялық-эпидемиологиялық бақылау басқармалары басшысының орынбасары лауазымында жұмыс істеді.

2024 жылдан бері Ұлытау облысы бойынша Сауда және тұтынушылардың құқықтарын қорғау департаменті басшысының орынбасары болып қызмет етіп келген.

Осыған дейін Қазақстан Республикасы Мемлекеттік қызмет істері агенттігінің келісімімен және Солтүстік Қазақстан облысы әкімінің өкімімен Әлішер Беспаев облыстық энергетика және тұрғын үй-коммуналдық шаруашылық басқармасының басшысы болып тағайындалғанын забарлаған болатынбыз.