Ұлытау облысында 45 автокөлік эвакуацияланды

— Қар аралас жаңбыр жауып, ауа температурасының +2-ден +8°С-қа дейін кенет жылынуы айналма жолдардың жағдайына кері әсерін тигізді. Осыған байланысты аталған учаскеде уақытша қозғалыс шектеуі енгізілді.

Қолайсыз ауа райы салдарынан айналма жолдардың жамылғысы шамадан тыс ылғалданып, жұмсарған. Бұл жүк және жеңіл көліктердің жүруін едәуір қиындатты, — делінген ҚазАвтожол хабарламасында.

Жол қызметтері жағдайды тұрақтандыру үшін жедел шаралар қабылдады. Учаскеде 5 тиегіш пен 2 автогрейдер жұмыс істеп, жол жабынын қалпына келтіру және су бұру жүйелері кеңейтіліп жатыр.

Қабылданған шаралардың нәтижесінде жолда қалған 45 жүк және жеңіл автокөлік эвакуацияланып, қауіпсіз жерге жеткізілді. Қазіргі уақытта жолды қалыпқа келтіру жұмыстары жалғасып жатыр.

Айта кетелік жол қауіпсіздігі стратегиясы әзірленіп жатқаны туралы жазған едік.