Үш жылдық бюджеттің барысы қаралды

Жаңа бюджеттік болжам - тұрақты дамуға жасалған қадам. Экономикалық зерттеулер институтының сарапшысы осындай пікір білдіріп отыр.

Ақпарынша, 2026 жылы республикалық бюджет өз кірістерімен 73,4 пайызға қамтамасыз етілмек. Ал 2028 жылға қарай бұл көрсеткіш 83,5 пайызға жетеді деп болжанады. Нәтижесінде мұнай түсімдеріне тәуелділік төмендеп, қаржылық тәртіп нығаяды. Маңызды құжаттағы басымдық әлеуметтік салаға бағытталған. Қазынадан бөлінетін қаржының дені - денсаулық сақтау мен білім беру, халықтың өмір сүру сапасын жақсартуға жұмсалады. 

Меруерт Жұмахан, Экономикалық зерттеулер институтының Фискалдық саясат орталығының аға сарапшысы: 

- Ұлттық қор қаражатын ұстамды пайдалану болашақ ұрпақ үшін стратегиялық резервтерді сақтауға және сыртқы жағдайда қаржы жүйесінің тұрақтылығын сақтауға мүмкіндік береді. Бұл тәсіл бюжеттік жауапкершілік мәдениетін қалыптасыруға, мемлекеттік қаржы саясатына деген сенімді нығайтуға, тұрақты экономика негізін қалауға ықпал етуі тиіс.