Ұшар алдында бой жазу: Қазақстан әуежайларында жаңа бастама қарастырылып жатыр

Ұшар алдында кілемше жайып, аздап дене жаттығуын жасауға бола ма? Бұл сұрақ Алматы әуежайында созылу жаттығуларын жасауға рұқсат берілмеген жолаушының видеосынан кейін қызу талқылана бастады. Tengri Travel Астана мен Алматы әуежайларында йогаға арналған арнайы аймақтардың бар-жоғын және оларды ашу жоспарланып отыр ма деген сауалдарды анықтады.

Ұшар алдында кілемше жайып, аздап дене жаттығуын жасауға бола ма? Бұл сұрақ Алматы әуежайында созылу жаттығуларын жасауға рұқсат берілмеген жолаушының видеосынан кейін қызу талқылана бастады. Tengri Travel Астана мен Алматы әуежайларында йогаға арналған арнайы аймақтардың бар-жоғын және оларды ашу жоспарланып отыр ма деген сауалдарды анықтады.

Барлығы неден басталды?

Әлеуметтік желілердегі талқылауға Алматы әуежайының күту залында созылу жаттығуларын жасау үшін кілемше жаюға рұқсат берілмеген жолаушының видеосы себеп болды.

Қыздың айтуынша, қазіргі әуежайларда дүкендер, мейрамханалар және темекі шегуге арналған орындар бар, алайда жолаушылардың ұшар алдында немесе ұзақ ұшудан кейін бой жазуына арналған орын қарастырылмаған.

"Барлық әуежайларға бір жаңашылдық енгізуді ұсынамын. Темекі шегетін аймақ, сауда жасайтын және тамақтанатын орындар бар. Йогаға арналған жеке аймақ ашуға болмай ма?", – дейді видео авторы.

Посмотреть эту публикацию в Instagram

Публикация от Маргарита | йога с примесью китайской медицины✨ (@ritaa_riiit)

Айта кетейік, бұл жаңа идея емес. Әлемнің көптеген ірі әуежайында жолаушыларға йогамен айналысуға, созылу жаттығуларын жасауға немесе ұшу алдында аздап демалуға арналған арнайы аймақтар әлдеқашан жұмыс істеп келеді.

Қазақстан әуежайларында йога аймақтары ашыла ма? Астана әуежайы

Елорда әуежайының өкілдері қазіргі уақытта йога, гимнастика немесе созылу жаттығуларына арналған арнайы орындардың жоқ екенін хабарлады.

"Астана әуежайының терминалдарында гимнастикамен, йогамен айналысуға немесе дене жаттығуларын жасауға арналған арнайы аймақтар қарастырылмаған. Дегенмен жолаушылар терминал аумағында еркін жүріп-тұрып, күту және серуендеу аймақтарын ұшар алдындағы қысқа бой жазу үшін пайдалана алады", – деп мәлімдеді әуежайдың баспасөз қызметі.

Алайда болашақта жағдай өзгеруі мүмкін. Қазір әуежай Т2 терминалын кеңейтуге дайындалып жатыр және жаңа нысандарды жобалау кезінде халықаралық үрдістерді ескеруге уәде берген.

Жоспарда коворкингтер, қосымша демалыс аймақтары мен балалар алаңдарын ашу бар.

"Инфрақұрылымды дамыту бағыттарының қатарында қосымша демалыс аймақтарын, коворкинг кеңістіктерін, балалар ойын алаңдарын және әртүрлі санаттағы жолаушыларға арналған басқа да функционалды орындарды құру бар. Йогаға, стретчингке немесе жеңіл дене белсенділігіне арналған арнайы аймақтарды ұйымдастыру мәселесі де қарастырылуы мүмкін", – деп хабарлады әуежай өкілдері.

Алматы әуежайы

Алматы әуежайында қазіргі уақытта спортпен шұғылдануға, йога немесе созылу жаттығуларына арналған арнайы аймақтар жоқ екенін және жақын арада оларды ашу жоспарланбағанын мәлімдеді.

Сонымен қатар терминалда жолаушылардың демалуына арналған басқа кеңістіктер жұмыс істейді. Олардың қатарында тыныштық аймағы, жануарларға арналған тақырыптық аймақ және ана мен бала бөлмесі бар.

Мұндай аймақтар қайда жұмыс істейді?

Көптеген шетелдік әуежайда йога бөлмелері инфрақұрылымның ажырамас бөлігіне айналған.

Flysfo дерегінше, мұндай алғашқы бөлме 2012 жылы Сан-Франциско халықаралық әуежайында (SFO) ашылған. Кеңістік барынша тыныш болуы үшін арнайы жобаланған: онда жұмсақ жылы жарық пен дыбыс оқшаулау жүйесі қарастырылған.

Посмотреть эту публикацию в Instagram

Публикация от Pablo Viñaspre (@pablo.vinaspre)

Қазір мұндай тегін залдар әуежайдың екінші және үшінші терминалдарында тәулік бойы жұмыс істейді. Жолаушыларға ортақ кілемшелер ұсынылады және олар тұрақты түрде зарарсыздандырылып тұрады.

AFAR мәліметінше, мұндай кеңістіктер басқа да ірі әуе хабында бар. Мәселен, Чикаго әуежайларында күңгірт әйнекпен жабдықталған жеке бөлмелер жасалған. Даллас пен Майами әуежайларында фитболдар мен жаттығуларға арналған бейненұсқаулықтары бар алаңдар ашылған. Берлингтонда жолаушыларға созылу жаттығуларына арналған блоктар мен залдың жанындағы душ бөлмелері қолжетімді болса, Денвер әуежайында тыныс алу жаттығуларына арналған жеке кабиналар сынақтан өткізіліп жатыр.

Еуропада да мұндай кеңістіктер әуежайлардың қалыпты инфрақұрылымының бір бөлігіне айналып келеді. Мысалы, Франкфурт әуежайында йогаға арналған тегін бөлмелер бірден 1 және 2-терминалдарда жұмыс істейді.

Посмотреть эту публикацию в Instagram

Публикация от Vane (@vaneairportmag)

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Google News арқылы жаңалықтарымызды қадағалаңыз

Жазылу