Ұшқышсыз авиация орталығы

Әл-Фараби атындағы Қазақ ұлттық университетінде Ұшқышсыз авиацияны дамыту инновациялық орталығы ашылды. «Aerial Solutions» ЖШС арасындағы өзара ынтымақ­тас­тық аясында ашылған ғылыми-инновациялық орталықта отан­дық ұшқышсыз ұшу аппа­рат­тарының моделін әзірлеу, оқу-өндірістік зертханалар мен сынақ полигонын құру, сондай-ақ дуалды білім мен серти­фи­каттау бағдарламасын жүзеге асыру жоспарланып отыр.

Орталықтың ашылуына ҚазҰУ басқарма төрағасы-рек­тор Жансейіт Түймебаев, «Aerial Solutions» ЖШС Авиациялық оқу орталығының бас директоры Перизат Құдайбергенова, Қорғаныс министрлігі Ұш­қыш­сыз ұшу жүйелерін дамыту және қолдану депар­та­­ментінің басшысы Иса Теймуразұлы, Қорғаныс министрлігі Әуе қорғанысы күштері Әскери-әуе күштері қолбасшылығы бас орталығының басшысы Сәкен Рүстемов, Ұлттық қауіпсіздік академиясының кафедра мең­ге­рушісі Артур Имашев, Қазақ­стан авиация әкімшілігі Лицензиялау департаментінің директоры Әділжан Сұлтанов, белгілі ғалымдар мен оқытушылар қатысты.

Жиынды ҚазҰУ басшысы Жансейіт Түймебаев ашып, орталықтың іске қосылуы еліміз­дің технологиялық даму жолында ерекше маңызы бар екенін жеткізді.

«Мемлекет басшысы Қасым-Жомарт Тоқаев жасанды интеллектіні дамыту жө­нін­­дегі кеңестің алғашқы оты­ры­сында «Біздің ұлт ретінде бәсекеге қабілеттілігіміз бен егемендігіміз осы технологияны қалай пайдаланатынымызға тікелей байланысты. Әр маман цифр­лық дағдыларды жетік меңгеріп, жасанды интел­лек­тінің мүмкіндіктерін жұмыс барысында тиімді қолда­на білуі қажет» деп атап өткен болатын. Сондай-ақ үш жыл ішінде елімізді толық цифрландыруға байла­нысты стра­тегиялық мақсат қойды. Осы міндетті жү­зе­ге асыруда ғылыми қауым­дас­тық пен бірлестіктерге зор жауап­кершілік жүктелді. ҚазҰУ-да Ұшқыш­сыз авиация­ны дамыту инновациялық орталығы ашылуы – ауқымды ғылыми жобаларды іске асы­ру­ға, заманауи дрондарды жасап, құрас­тыруға, білікті маман­­дарды даярлауға, студент­тер­дің тағылымдамадан өтуіне мүмкіндік береді. Мұнда жасалған дрондар экономи­ка­ның түрлі саласында тиімді қол­данылатын болады. Бір­лес­кен орталық өндіріс пен университет арасындағы маңыз­ды серіктестіктің нақты нәти­жесін көрсетеді. Жобаның іске асуы еліміздегі цифрлық инфрақұрылымның дамуына, азаматтық ұшқышсыз авиация саласындағы мемлекеттік стратегияны жүзеге асыруға елеулі серпін береді», деді ректор.

Ал «Aerial Solutions» ЖШС Авиациялық оқу орталығының бас директоры П.Құдайбер­генова Қазақ ұлттық уни­вер­ситетінің базасында ашылған Ұшқышсыз авиацияны дамыту инновациялық орталығы ғылымды, білімді және заманауи ұшқышсыз технологияларды біріктіріп, халықаралық стандарттарға сәйкес мамандар даярлауға жол ашатынын атап өтті. Оның айтуынша, университеттегі академиялық база сапалы тәжірибелік білімді қамтамасыз етіп, өнеркәсіп, ауыл шаруашылығы және цифрлық мониторинг салаларының дамуына ықпал етпек. Орталық жас мамандарға ашылған жаңа мүмкіндік, еліміздегі авиа­ция­лық жобаларды әлемдік дең­гей­ге шығаруға ықпал ететін болады.

Сондай-ақ Қорғаныс министр­лігі Әуе қорғаныс күштері бас басқармасының жетекшісі Сәкен Рүстемов ұлттық университетпен бұл саладағы ынтымақтастықтың маңызына тоқталып, еліміздегі әуе қозғалысы саласының дамуы­на елеулі үлес қосатын инно­­ва­циялық жобалардың дамуы ұшқышсыз авиация саласының жаңа деңгейге көте­рілуі­не оң ықпал ететінін баян­дады. Сонымен бірге «Aerial Solutions» компаниясы авиация­лық оқу орталығының басшысы Мәулен Мұстафаев мұнда заманауи кадр­лар даярланатынын жеткізді.

Оның айтуынша, орталық базасында азаматтық және мем­лекеттік авиация саласына мамандар даярлауда қысқа курс­тар өтеді. Соның барысында инженерлер, құрастырушылар біліктілігін арттырып, ғылыми зерттеу және тәжірибелік-конструкторлық жұмыстарға қатысады. Мұнымен қоса ҚазҰУ-мен бірлесе отырып, биыл жаңа оқу жылынан бас­тап жоғары білімді кадрлар даяр­ланбақ. Бакалаврда оқитын мамандар ұшқышсыз техно­логияларды құрастыру, бас­қару бағытында білім алады. Орталықтың ашылуы – әскер­де азаматтық борышын өтеп жүрген сарбаздарға да үлкен мүмкіндік. Олар Отан алдындағы борышын 1 жыл өтегеннен кейін 2 жыл жаңа оқу жылынан бастап осы бағытта білім алады. Осы орайда «Сарбаз+» жобасымен ынтымақтастық көзделіп отыр. Инновациялық орталықта дрондар мен сервистерді ішкі және халықаралық нарыққа шығару, инновациялық стартаптарды қолдау, коммерцияландыру іске асады.

Бүгінде Қазақ ұлттық уни­вер­ситетінің аумағында 2 мың шаршы метр аумақта дрон құрастыру өндірісі орналасқан. Енді аз уақытта білікті инженерлер еліміздегі дрон өндірісін қолға алып, қорғаныс саласы мен ауыл шаруашылығына арналған ұшқышсыз ұшу аппараттарын құрастыратын болады.

АЛМАТЫ 

Соңғы жаңалықтар

Астанадағы бұқаралық шаңғы жарысына қалай қатысуға болады?

Елорда • Бүгін, 10:44

Түндегі тілсіз жау: СҚО-дағы бір ауданда екі адам өрттен қаза тапты

Төтенше жағдай • Бүгін, 10:42

Кофе неге қымбаттап барады?

Баға • Бүгін, 10:35

Теміртаудың тең жартысы жылусыз қалды

Аймақтар • Бүгін, 10:23

Жапониядағы кезектен тыс сайлау: Премьер-министр парламентті тарату туралы шешім қабылдады

Саясат • Бүгін, 10:17

Полиция дерегі: Алаяқтардың арбауына көбінде кімдер ілінеді?

Аймақтар • Бүгін, 10:04

Әлімханұлына қатысты допинг дауы: Қайта тыңдау тағайындалды

Кәсіпқой бокс • Бүгін, 10:00

Хромтауда газ жарылды: 5 адамды күйік шалды, бір адам жансақтау бөлімінде жатыр

Төтенше жағдай • Бүгін, 09:50

Болгария президенті қызметінен кететінін мәлімдеді

Саясат • Бүгін, 09:43

Жаңа салық режимі: Кәсіпкерлер нені ескеруі тиіс?

Бизнес • Бүгін, 09:34

«Манчестер Ситиде» ұзақ жылдар бойы топ деңгейдегі қорғаушы болады: Гвардиола өзбек футболшысы туралы

Футбол • Бүгін, 09:24

Термо шам

Ғалам ғажаптары • Бүгін, 09:18

Қар жауып, бұрқасын соғады: 20 қаңтарға арналған ауа райы болжамы

Ауа райы • Бүгін, 09:17

Face ID қалай пайда болды?

Ғалам ғажаптары • Бүгін, 09:15

Жарыс күнделігі

Спорт • Бүгін, 09:12

Барлық жаңалықтар