Юрий Аравин өмірден озды

Қазақ мәдениетінің көрнекті қайраткері, «Парасат» және «Отан» ордендерінің иегері Қазақстан Республикасы Композиторлар одағының мүшесі, профессор Юрий Аравин өмірден озды.

Қаралы хабарды әлеуметтік желіде Мәдениет және ақпарат Министрі Аида Балаева хабарлады. Юрий Петровичтің есімі халқымыз үшін аса қадірлі. Ол қазақтың халық музыкасын кеңінен насихаттаған танымал тұлғалардың бірі еді. Ұлттық мәдениетке бар жан-тәнімен берілген азамат ретінде фольклорлық мұраларды жинақтау мақсатында көптеген ғылыми-шығармашылық экспедицияларға бастамашы болды. Көптеген көне музыкалық туындыларды жаңғыртып, ғылыми жүйеге түсірді,- деді министр жазбасында.