Заңсыз қызмет еткен: 63 азық түлік базары ерекше бақылауға алынды

АСТАНА, 16 маусым – Sputnik. Сауда және интеграция министрлігі сауда орындарына жүргізген мониторингінің қорытындысын жариялады.

© Photo : Минторговли и интеграции КазахстанаЗаңсыз қызмет еткен: 63 азық-түлік базары ерекше бақылауға алынды

Заңсыз қызмет еткен: 63 азық-түлік базары ерекше бақылауға алынды

© Photo : Минторговли и интеграции Казахстана

Министрлік аймақтық бағаға ең көп әсер ететін негізгі 63 сауда орнын анықтады. Мониторинг 18 сауда орнына жасалды. Оның ішінде "Алтын Орда", "Барыс-4" сияқты ірі базарлар бар. Тексеріс нәтижесінде 486-ға жуық заңбұзушылық анықталып, әрқайсысы бойынша тиісті шаралар қабылданып жатыр.

"Жеткізу тізбегіндегі тәртіпті қалпына келтіру жұмыстары қарқынды жүргізілуде. Жыл басынан бері 150 тиімсіз делдал шығарылды. Тексеру нәтижесінде контрафактілік және таңбаланбаған өнімдер, көлеңкелі айналым, кассалық тәртіптің бұзылуы, еңбек қатынастарының рәсімделмеуі және сауда орындарын бірнеше мәрте қосалқы жалға беру фактілері анықталды", – деді Сауда комитетінің төрағасы Ернұр Жәутікбаев.

© Photo : Минторговли и интеграции КазахстанаАрман Шаққалиев, Сауда және интеграция министрі

Арман Шаққалиев, Сауда және интеграция министрі

© Photo : Минторговли и интеграции Казахстана

Бұдан әрі мониторинг және бақылау шаралары үшін 67 азық-түлік базары таңдалды. Бұл базарларда жалпы саны 16 640 сауда субъектісі бар.

"Талдау нәтижесінде 4 843 кәсіпкердің бақылау-касса машиналарын тіркемей бөлшек саудамен айналысқаны, ал 5 846 субъектінің тіркелген POS-терминалдары жоқ екені анықталды. Сонымен қатар табысын төмендетіп көрсетуге әрекет жасаған 247 кәсіпкер анықталып, оларға қатысты қосымша талдау мен хронометраждық тексерулер тағайындалды", - деп атап өтті департаментте.

Тексеруге құқық қорғау органдары да тартылды. Ондағы мәлімет бойынша, базарлар мен оған жақын аумақтарда реттелмеген сауданың 2 345 фактісі, заңсыз сауданың 37 дерегі мен заңсыз кәсіпкерліктің 201жағдайы анықталған.

"Тәуекел факторларын ескере отырып, заңсыз қызметтен бастап көлеңкелі жұмыспен қамтуға дейінгі, сондай-ақ санитарлық және өрт қауіпсіздігі талаптарының өрескел бұзылуы тіркелген 63 азық-түлік базары анықталды. Бұл нысандардың барлығы ерекше бақылауға алынды. Барлық ескертулер берілді. Енді тек түсіндірумен шектелмейміз. Қажет болған жағдайда осы базарлардың жұмыс форматын қайта қарауға дейін баратын қатаң шаралар қабылданады", – деді Арман Шаққалиев.