Жамбыл облысында шетел азаматынан 170 млн теңге декларацияланбаған валюта анықталды

АСТАНА, 9 шілде – Sputnik. ҰҚК шекара қызметі декларацияланбаған валютаны елден заңсыз алып шығуына жол бермеді, деп хабарлайды комитет.
30 маусым мен 7 шілде аралығында мемлекеттік шекара арқылы өткізу пункттерінде осындай 38 әрекет анықталған. Нәтижесінде жалпы сомасы 636 миллион теңгеден астам декларацияланбаған валюта анықталды.

© Photo : Ұлттық қауіпсіздік комитетіЕлден 636 млн теңгеден астам декларацияланбаған валютаны әкету әрекеттері тоқтатылды

Елден 636 млн теңгеден астам декларацияланбаған валютаны әкету әрекеттері тоқтатылды

© Photo : Ұлттық қауіпсіздік комитеті

"Жекеленген жағдайлардың бірінде, ҰҚК Жамбыл облысы бойынша департаментінің "Қордай" автокөліктік шекаралық бақылау бөлімінде шетел азаматының жүгін тексеру барысында 350 000 АҚШ доллары яғни 170 037 000 теңге анықталды", - делінген хабарламада.

Аталған факті бойынша материалдар процессуалдық шешім қабылдау үшін құзыретті органдарға жолданды.

ҰҚК шекара қызметі Қазақстан заңнамасына сәйкес республика аумағынан (10 мың АҚШ долларынан баламасынан асатын) соммадағы қолма-қол ақша қаражатын шығаруға тыйым салынатынын еске салады.