Жамбыл облысында жоғары лауазымды бұрынғы полицейлердің соты басталды

Сотта ҚР ҚК-нің жемқорлық баптары бойынша айыпталған Жамбыл облысы полициясының бұрынғы қызметкерлері Жайдарбек Құттыбаев пен Еркен Абаевқа қатысты қылмыстық іс қаралуда, деп хабарлайды Arasha.kz.

Еске сала кетейік, Құттыбаев бұған дейін Жамбыл облысы полиция департаменті бастығының орынбасары қызметін атқарған. Абаев Талас ауданының полиция бөлімін басқарған. 

Тергеу материалдары бойынша, Құттыбаев 190-баптың 3-бөлігі 1) және 2) тармақтары («Лауазымды адам жасаған, ірі көлемдегі алаяқтық») бойынша, ал Абаев 28-баптың 5-бөлігі («Қылмыстық құқық бұзушылыққа қатысушылардың түрлері») және 367-баптың 2-бөлігі («Елеулі мөлшерде пара беру») бойынша айыпталуда.

Жәбірленуші - бұрынғы полиция қызметкері Дархан Уәлиев.

Алдымен кадр мәселесіне жауапты болған Құттыбаев ұсталды. Кейінірек дәл осы іс бойынша бұған дейін іздеуде жүрген Абаев қамауға алынды. Экс-полицейлердің нақты не үшін ұсталғанын біз осы материалда жазған болатынбыз. Ұстау шараларынан кейін департамент басшылығында облыстық ПД бастығы Бақытжан Малыбаев қызметінен кетті. Оқиғаның мән-жайы мен толық контексті жоғарыдағы жарияланымдарда (реплайлар тізбегінде) берілген.