Жан жылуын сыйлаған жандар

Бұл – қоғамның әлсіз топтарына қолдау көрсетіп, адамдардың өміріне мейірім мен жылулық сыйлайтын әлеуметтік сала мамандарының еңбегін ұлықтайтын ерекше мереке. Әлеуметтік қызметкерлер мемлекет пен қоғам арасындағы алтын көпір іспетті. Олар күн сайын қарттар мен мүмкіндігі шектеулі азаматтардың, өмірдің қиын жағдайына тап болған отбасылардың жанынан табылып, қамқорлық пен ізгілік көрсетеді.

Бүгінде Шымкент қала­сын­да 1 913 әлеуметтік сала қыз­меткері еңбек етуде. Оның ішін­де 1 688 маман мүгедектігі бар ба­лалар мен ересектерге, жалғы­з­і­лік­ті қарттарға және өз-өзіне қыз­мет көрсете алмайтын аза­мат­тарға көмек көрсетеді. Ал 30 қыз­мет­кер отбасылық құндылық­тар­ды нығайту және тұрмыстық зор­­лық-зомбылықтың алдын алу ба­ғытында жұмыс істейді. 195 әлеу­меттік қызметкер халықты жұ­мыспен қамту және еңбек на­ры­ғындағы белсенділікті арттыру ба­ғытында еңбек етуде. Қала ау­мағында бүгінде 13 арнаулы әлеу­меттік қызмет көрсету орталығы, 1 санаторлық-курорттық қызмет көр­сету орталығы, мүгедектігі бар аза­маттарға арналған 1 әлеуметтік қол­дау орталығы, 1 отбасын қол­дау орталығы, сондай-ақ Еңбек мобильділігі орталығы мен аудан­дық мансап орталықтары тұрақты түрде халыққа қызмет көрсетіп ке­леді.

Бұл орталықтарда психо­неврологиялық ауытқуы бар, тірек-қимыл аппараты бұ­зыл­ған мүгедектігі бар балаларға, 18 жастан асқан психоневроло­гия­лық ауруы бар азаматтарға жә­не өзіне-өзі қызмет көрсете ал­майтын І және ІІ топтағы мүге­дектер мен жалғызілікті қарттарға арнаулы көмек көрсетіледі. Қыз­меттер стационар, жартылай ста­ционар, үйде қызмет көрсету жә­не уақытша болу түрінде ұйым­дастырылған. 2025 жылдың 1 қа­занына дейін Шымкент қала­сы бойынша 3 236 адам арнаулы әлеуметтік қызмет түрлерімен қамтылған. Оның ішінде 752 адам стационар жағдайында, 793 адам  жартылай стационарда, 402 адам  уақытша болу орталығында және 1 289 адам үй жағдайында әлеу­меттік қызмет алып отыр.

Бұл туралы өткен брифингте Шымкент қаласы әкімінің орын­басары Сәрсен Құранбек мәлім­деді. Оның айтуынша, қаладағы әлеуметтік қолдау жүйесі кезең-кезеңімен дамып келеді, ал басты назар  қызмет сапасын арттыру мен азаматтардың өмір сүру сапа­сын жақсартуға бағытталған.

«Әлеуметтік сала бұл – адам тағдырымен тікелей байланысты аса жауапты бағыт. Сондықтан әрбір әлеуметтік қызметкердің еңбегі құрметке лайық. Мемлекет тарапынан бұл салаға тұрақты қолдау көрсетіліп келеді. Біз қо­ғам­ның әлсіз тобына жанашыр бола отырып, олардың өмір сүру сапасын жақсарту үшін бар күш-жігерімізді саламыз», – деді Шым­кент қаласы әкімінің орын­басары Сәрсен Құранбек бұқара­лық ақпарат құралдары өкілдері­мен өткен брифингте.

Мереке қарсаңында Шым­кент қаласының әлеу­мет­­тік қызметкерлеріне құрмет гра­моталары мен алғысхаттар та­­бысталып, сала үздіктері мара­пат­­талмақ. Әлеуметтік сала ма­ман­­да­рының еңбегі – адам­гер­ші­лік пен қайырымдылықтың, мейі­рім мен парасаттың үлгісі. Олардың әрбір ісі қоғамдағы бір­лік пен өзара қол­даудың маңызын айшықтайды.

Назгүл НАЗАРБЕК,

Шымкент қаласы