Балаларға бақыт сыйлаған күн

Сәкен Сейфуллин кентіндегі жаңа білім ордасы  «Келешек мек­тебі» ұлттық жобасы аясында сал­ын­ды. 300 орынға арналған мек­тепте  оқушылардың жан-жақ­ты дамуына және сапалы біл­ім алуына барлық мүмкіндік жа­салған. Кең әрі жарық кабинеттер заманауи, эргономикалық жиһаз­бен жабдықталған. Мұнда асхана, кітапхана, спорт залы бар. Сон­дай-ақ STEM-зертхана, жараты­лыс­тану-математикалық бағыт­тағы сыныптар, робототехника мен графикалық дизайн кабинет­тері, түрлі үйірмеге арналған арнайы бөлмелер жұмыс істейді.

Мектепке жасанды интеллект технологиясымен жабдықталған 22 интерактивті тақта орнатылған. Білім ордасы қауіпсіздік тұрғысы­нан да заманауи талаптарға сай. Мұнда полициямен тікелей бай­ланыс орнатуға арналған дабыл түйме­лері қойылған. Олар бейне­камералармен жабдықталған, бұл төтенше жағдайда ахуалды жедел анықтап, тез әрекет етуге мүмкін­дік береді.

– Бүгін сіздердің алдарыңызда үлкен мүмкіндіктердің есігі ашыл­ды. Бұл мектеп балалар арманы­ның бастауына айналсын. Ізден­ім­паз, білімге құштар, Отанын сүйе­тін ұрпақ болып өсіңіздер. Біз ұстаздар мен ата-аналардың еңбе­гін жоғары бағалаймыз – ол елі­міздің болаша­ғының берік ірге­тасы. Баршаңызды Республика күнімен және жаңа мек­тептің ашы­луы­мен шын жүрек­тен құт­тықтаймын! Бұл білім орда­сы өс­келең ұрпақтың нағыз білім мен тәрбие ошағына айналсын, – деді салтанатты шарада сөз сөй­леген облыс әкімі Ермағанбет Бө­лек­паев.

Оқушылар жаңа мектеппен танысып, алғашқы сабақтарын бастап кетті. Жаңа жабдықтармен ұстаздар да танысып жатыр. Білім саласының ардагері Айнагүл Түс­іпбекова 40 жыл бойы мектепте еңбек еткен. Қазір ол ата-аналар комитетінің төрайымы. Екі неме­ресі осы жаңа мектепте оқиды. Ардагердің айтуынша, жаңа оқу ордасы сапалы білім алуға барлық жағдай жасайды.

Мектептің ерекшелігі – бас­тау­ыш және жоғары сыныптарға арналған бөлек блоктардың болуы. Ерекше білім беруді қажет ететін балалар үшін де барлық жағдай қарастырылған: бірінші және екінші қабатты байланыс­ты­ратын лифт орнатылған.

– Кентімізде осындай зама­науи мектептің ашылғанына бәрі­м­із өте қуаныштымыз. Бұрын бұл тек арман болатын. Енді міне, мек­тебіміз барлық заманауи білім стандарттарына толық сәйкес келеді. Әсіресе бастауыш сынып­тарға арналған кабинеттер өте ыңғайлы. Педагогикалық құрам толық жасақталған, – дейді Сәкен Сейфуллин атындағы тірек мек­тебінің директоры Алма Әбеуова.

Мектеп аумағы да абаттан­ды­рылған: футбол, волейбол, баскет­бол және хоккей алаңдары, сон­дай-ақ воркаут аймағы бар. Ау­ыл­­дық жерлердегі білім беру ны­сандарын жаңғырту бағдар­ла­масы жүйелі түрде жалғасуда. Айта кету керек, Шет ауданының Ақсу-Аюлы ауылында да «Келе­шек мектебі» жобасы бойынша жаңа мектептің құрылысы жүріп жа­тыр. Кейінгі екі жылда Қара­ғанды облы­сында жеті жаңа мектеп сал­ынды, оның төртеуі дәл осы бағ­дарлама аясында іске асырылған.

Ал Бұқар жырау ауданына қарасты Көкпекті ауылында Рес­публика күні қарсаңында зама­науи балалар ойын алаңы пайда­лануға берілді. Жаңа демалыс аймағы бұрын көпбалалы және жалғызбасты аналарға берілген үйлердің ауласында орналасқан. Енді ауыл балалары таза ауада сырғанақ, әткеншек теуіп, түрлі-түсті ойын құрылғыларында қау­іпсіз әрі көңілді уақыт өткізе ал­а­ды. Барлық ойын элементі қа­у­іп­­сіздік талаптарына сай берік материалдардан жасалған.

Қарағанды облысында екі бір­дей балаларға арналған орын­дар­дың ашылуы тек бастамасы ғана, Республика күні мерекесін атап өтер онкүндікте тағы да басқа қыз­ықты іс-шаралар жоспар­ланған.

Әдебиет БЕЛГІБАЙҰЛЫ,

Қарағанды облысы