Жаңа Конституция қабылданды деп танылсын: референдумның қорытындысы шығарылды

АСТАНА, 17 наурыз – Sputnik. Орталық референдум комиссиясы Қазақстанныі жаңа Конституциясы бойынша 15 наурызда өткен дауыс беру қорытындысын жариялады.

"Дауыс беруге референдумға қатысуға құқығы бар азаматтардың жартысынан көбі немесе 73,12 пайызы қатысқандықтан, "Сіз жобасы 2026 жылғы 12 ақпанда бұқаралық ақпарат құралдарында жарияланған Қазақстан Республикасының жаңа Конституциясын қабылдайсыз ба?" деген сұрақ бойынша референдум өтті деп есептелсін", - деп жазылған хабарламада.

Жаңа Конституция қабылданды деп танылсын: референдумның қорытындысы шығарылды

Жаңа Конституция қабылданды деп танылсын: референдумның қорытындысы шығарылды

Ресми мәліметке сәйкес, референдумда жаңа Конституцияны қолдап дауыс берген азаматтардың саны – 7 954 667 немесе дауыс беруге қатысқандардың 87,15%-іне тең.

Сонымен қатар:

референдумға қатысу құқығы бар Қазақстан азаматтарының жалпы саны – 12 482 613;

дауыс беруге қатысқан азаматтардың саны – 9 127 192 немесе 73,12 процент;

референдумға шығарылған мәселенің теріс шешімін жақтап дауыс берген азаматтардың саны – 898 099;

жарамсыз деп танылған бюллетеньдердің саны – 146 558.

"Республикалық референдумға дауыс беру үшiн шығарылған жаңа Конституция қабылданды деп есептелсiн, өйткенi облыстардың, республикалық маңызы бар қалалардың және астананың кемінде үштен екiсiнде дауыс беруге қатысқан азаматтардың жартысынан астамы немесе 87,15 пайызы оң шешiм қабылдады", - деді комиссия басшысы Нұрлан Әбдіров.