Жаңа Салық кодексі: мамандар маңызды сұрақтарға жауап берді

2026 жылдан бастап жаңа оңайлатылған режимге қалай өтініш беруге болады?

Қолданылатын салық салу режимі туралы хабарламаны келесі тәсілдермен беруге болады:

Салық төлеушінің кабинетi арқылы (СӘИЖ АЖ жүйесінде "Құжаттарды тапсыру" → "Қолданылатын салық салу режимі туралы хабарлама");"E-Salyq Business" мобильді қосымшасы арқылы ("Сервис" бөлімі → "ДК салық режимін өзгерту");Қағаз түрінде орналасқан жері бойынша МКБ-на;Банктердің мобильді қосымшалары арқылы (Kaspi Bank және Halyk Bank).

Қолданылатын салық режимі туралы хабарлама тапсырдым, бірақ бас тарту келді. Неліктен?

Бас тарту себебі хабарламаны өңдеу нәтижесінде әрдайым көрсетіледі.

Оны Құжаттар → Менің құжаттарым → Салық өтініші → Қолданылатын салық салу режимі туралы хабарлама → Қабылдау немесе бас тарту туралы электрондық хабарлама бөлімінен тексеріңіз.

Онда хабарламаның не себепті қабылданбағаны көрсетіледі.

Оңайлатылған режимге көшу туралы хабарлама тапсырдым. Нәтижесін қайдан көруге болады?

Нәтижені Құжаттар → Менің құжаттарым → Салық өтініші → Қолданылатын салық салу режимі туралы хабарлама → Электрондық хабарлама бөлімінен көруге болады. Сондай-ақ Профиль бөліміндегі "Салық салу режимі" бөлімінен де қарауға болады.

Хабарлама берген кезде келесідей бас тарту шығады:" ЭҚЖЖ рұқсат етілген тізімге кірмейді", бірақ тыйым салынған тізімде жоқ. Неліктен?

Көбінесе бас тартудың себебі — көрсетілген ЭҚЖЖ коды ескірген, өзгертілген немесе жіктеуіштен алынып тасталған болуы мүмкін.

Мысалы, 86900 ЭҚЖЖ күші жойылып, оның орнына 86901 және 86909 енгізілген; 62022 ЭҚЖЖ жіктеуіштен толықтай алынып тасталған.

Не істеу керек? Экономикалық қызмет түрін тіркеу деректерінде жаңарту қажет:

ДК - тіркеу деректеріне өзгеріс енгізу туралы хабарлама тапсыру; Заңды тұлғалар - тіркеуші органдар арқылы немесе "Е-статистика" жүйесінде өзгерістер енгізу.

Деректер жаңартылғаннан кейін және барлық талаптар сақталған жағдайда, қолданылатын салық режимі туралы хабарламаны қайта тапсыру қажет.

Дара кәсіпкерді (ДК) жаба алмай отырмын: өтініш толтырылған, бірақ "Қол қою және жіберу" батырмасы белсенді емес.

Салық төлеушінің кабинетi арқылы өтініш берген кезде Салық кодексінің 74-бабы тармақтарының жанында тұрған қызыл белгіге назар аударыңыз. Оны бассаңыз, жүйе нені түзету қажет екенін көрсетеді.

Жиі кездесетін себептер:

таратылу (жабу) бойынша салықтық есептілік тапсырылмаған;бақылау-касса машинасы (БКМ) есептен алынбаған;басқа да аяқталмаған міндеттемелер бар.

Себептер жойылғаннан кейін батырма белсенді болады.

Бұған дейін салықтық есептілік нысанын кері қайтарып алу, шегерімдер, ЖК есептілік нысандары жайлы нені білу керектігін жазғанбыз.