Жаңа туған сәби Өскеменге тікұшақпен шұғыл жеткізілді (видео)

«Қазавиақұтқару» РМК әуе экипажы санитарлық рейсті орындап, денсаулық жағдайы шұғыл медициналық көмекті қажет еткен жаңа туған сәбиді санитарлық авиация дәрігерлерімен бірге облыс орталығына жеткізді, деп хабарлайды Egemen.kz.

Фото: Видеодан алынған кадр

Әуе кемесінің командирі Сергей Пинигин және екінші ұшқыш Олег Алфеев рейсті сәтті аяқтап, сәбиді аман-есен Өскеменге жеткізді.

Айта кетейік, Төтенше жағдайлар министрлігінің әуе қызметі шалғай ауылдар мен елді мекендердегі тұрғындарға жедел көмек көрсетуге әрдайым дайын. Әуе тасымалы жерүсті көліктерімен салыстырғанда уақытты үнемдеп, өмірлік маңызды жағдайларда шешуші рөл атқарады.