Жаңабыловтардың үкімі танымал блогерлерге енді не істеуге болмайды және не істеуге болады

Сәуір соңында Астанада заңсыз кәсіпкерлікпен айналысқаны және қылмыстық жолмен алынған ақшаны заңдастырғаны үшін кінәлі деп танылған блогерлер Ерболат Жанәбілов пен Эльмира Төлегеноваға қатысты үкім шықты. Оларға қандай шектеулер қойылды және олар блогерлік қызметін жалғастыра ала ма? Бұл туралы Tengrinews.kz анықтап көрді.

Сәуір соңында Астанада заңсыз кәсіпкерлікпен айналысқаны және қылмыстық жолмен алынған ақшаны заңдастырғаны үшін кінәлі деп танылған блогерлер Ерболат Жанәбілов пен Эльмира Төлегеноваға қатысты үкім шықты. Оларға қандай шектеулер қойылды және олар блогерлік қызметін жалғастыра ала ма? Бұл туралы Tengrinews.kz анықтап көрді.

Блогерлерге қандай үкім шықты?

27 сәуірде Эльмира Төлегенова мүлкі тәркіленіп, қауіпсіздігі барынша төмен мекемеде 2 жылға бас бостандығынан айырылды. Жазаның орындалуы 2 жылға шегерілді.

Оның жұбайы Ерболат Жанәбілов мүлкі тәркіленіп, 2 жылға шартты түрде бас бостандығынан айырылды.

Үкім шығар алдында прокурор өз ұстанымын өзгертті: егер жарыссөз кезінде мемлекеттік айыптаушы екі сотталушыға да 4 жылдан бас бостандығынан айыру жазасын сұраса, 27 сәуірде айыптау тарабы Төлегенованың соңғы сәтте ұсынған мәмілесіне келісті..

Ерболат Жанәбіловке не рұқсат, неге тыйым салынған?

Заң кеңесшісі Фарид Алиевтің түсіндіруінше, Жанәбіловке блогерлік қызметпен айналысуға тікелей тыйым салынбаған.

"Блогерлік қызметке ресми түрде тыйым салынбаған және түнгі коменданттық сағатты сақтау, сондай-ақ осы қызмет аясында көңіл көтеру орындарына бармау шартымен оны жалғастыруға болады", - деп түсіндірді заңгер.

Осылайша, Ерболат Жанәбілов:

ҚАЗІР ТАЛҚЫЛАНЫП ЖАТЫР

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

блог жүргізіп, контент түсіруге және жазбалар жариялауға; жарнама берушілермен жұмыс істеуге; жұмыс істеуге және оқуға (жұмыс немесе оқу орны ауысқан жағдайда пробация қызметін міндетті түрде хабардар етуі тиіс); күндіз қала ішінде еркін жүріп-тұруға құқылы.

Сонымен қатар шартты жаза блогерге бірқатар шектеулер жүктейді:

сағат 22:00-ден 06:00-ге дейін үйінде болуға міндетті; егер жұмысына тікелей қатысы болмаса, көңіл көтеру орындарына (клубтар, барлар) баруға тыйым салынады; дәрігердің нұсқауынсыз психобелсенді заттарды қолдануға болмайды; пробация қызметіне ескертпей тұрғылықты жерін ауыстыруға тыйым салынады; ел аумағынан тыс жерлерге шығуына шектеу қойылды.

Сонымен қатар үкім заңды күшіне енгеннен кейін Ерболат Жанәбілов:

10 тәулік ішінде пробация қызметіне есепке тұруға; жұмысы немесе оқуы болмаған жағдайда - бір ай ішінде жұмыссыз ретінде тіркелуге міндетті.

Пробациялық бақылау барлық мерзімге - 2 жылға созылады. Шарты бұзылған жағдайда сот шартты жазаны нақты бас бостандығынан айыру жазасына ауыстыруы мүмкін.

Эльмира Төлегеноваға не болады және не болмайды?

Заңгердің сөзінше, Төлегеноваға шартты мерзім емес, кішкентай балаларының болуына байланысты жазасын өтеу екі жылға шегерілді. Бұл мүлдем басқа құқықтық режим және ол әлдеқайда жеңілірек: ойын-сауық орындарына баруға және түнгі уақытта шектеулер қойылмайды.

Төлегеноваға:

уақыт бойынша шектеусіз еркін жүріп-тұруға; блогерлік қызметін жалғастыруға; кез келген орындарға баруға; жұмыс істеуге, оқуға және әдеттегі өмір салтын ұстануға болады.

Сонымен бірге шектеулер де бар:

қоғамдық тәртіпті бұзуға болмайды - екі рет жазбаша ескерту алғаннан кейін жазаны шегеру күші жойылуы мүмкін; баланы тәрбиелеуден жалтаруға немесе одан бас тартуға тыйым салынады - бұл жазаны шегерудің дереу күшін жоюға негіз болады.

Сондай-ақ Төлегенова үкім заңды күшіне енгеннен кейін 10 тәулік ішінде пробация қызметіне есепке тұруға міндетті.

Алиевтің айтуынша, егер Төлегенова барлық шарттарды орындаса, сот оны жазадан толық босатуы мүмкін.

"Әйтпесе, ол мүлкі тәркіленіп, қауіпсіздігі барынша төмен нақты 2 жылға бас бостандығынан айыру жазасын өтеуі керек", - деп толықтырды ол.

Google News арқылы жаңалықтарымызды қадағалаңыз

Жазылу