Жануарларға жауапкершілікпен қарау: Тоқаев заңға қол қойды: 19 мамыр 17:25 жаңалықтар

Мемлекет басшысы Қасым-Жомарт Тоқаев жануарларға жауапкершілікпен қарау мәселелері туралы заңға қол қойды, - деп хабарлайды Tengrinews.kz тілшісі Ақордағы сілтеме жасап.

Мемлекет басшысы Қасым-Жомарт Тоқаев жануарларға жауапкершілікпен қарау мәселелері туралы заңға қол қойды, - деп хабарлайды Tengrinews.kz тілшісі Ақордағы сілтеме жасап.

"Мемлекет басшысы "Қазақстан Республикасының кейбір заңнамалық актілеріне жануарларға жауапкершілікпен қарау мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды", - делінген хабарламада.

Айта кетейік, Мемлекет басшысы "Таза Қазақстан" бастамасын дамыту аясында жануарларға қамқорлық мәдениетін қалыптастыруға тоқталды. Мемлекет басшысы үй жануарларының адамдардан қорлық көруіне жол бермеу керегін айтты.

"Үкімет үй жануарларын дұрыс күтіп-баптамағандарға берілетін әкімшілік жауапкершілікті қатаңдатып, ал оларға қатыгездік көрсеткендерге кесілетін қылмыстық жазаны күшейтуі керек. Негізі, қаңғыбас иттер проблемасына азаматтардың немқұрайлылығы себеп: яғни олар бастапқыда жануарларға ықыласы ауып асырағанымен, кейіннен көңілдері қалып, керексіз заттай көшеге тастап кетіп жатады. Мұндай келеңсіздіктердің алдын алу қажет", – деді Президент.

Еске сала кетейік, бұған дейін Қазақстанда жануарларға қатыгездік көрсеткені үшін айыппұлдардың жаңа мөлшері жарияланған болатын. Вице-министр Нүркен Шарбиев олардың жуырда күшіне енуі тиіс екенін атап өтті.

Сонымен, егер әрекетте қылмыстық құрам болмаса, ӘҚБтК-нің 407-1-бабы бойынша айыппұлдар айтарлықтай өседі:

жеке тұлғалар үшін 5-тен 30 АЕК-ке дейін (2026 жылы 21 625-тен 129 750 теңгеге дейін); лауазымды тұлғалар үшін 10-нан 50 АЕК-ке дейін (43 250-ден 216 250 теңгеге дейін).

Сондай-ақ жануарларды аулау, ұстау және серуендету ережелерін бұзғаны үшін де айыппұлдар өседі:

жеке тұлғалар үшін - 10-нан 15 АЕК-ке дейін (43 250-ден 64 875 теңгеге дейін); лауазымды тұлғалар үшін - 20-дан 30 АЕК-ке дейін (86 500-ден 129 750 теңгеге дейін); заңды тұлғалар үшін - 30-дан 40 АЕК-ке дейін (129 750-ден 173 000 теңгеге дейін).

Бұдан бөлек, жануардан бас тарту немесе оны "далаға тастап кету" үшін жауапкершілік енгізіледі. Мұнда мынадай айыппұл қарастырылған:

ҚАЗІР ТАЛҚЫЛАНЫП ЖАТЫР

Салтанат Нүкенованың ағасы Бишімбаевтың қарындасымен “хайп“ жасады деген айыптауларға қатысты соттасты

12 мамыр 13:53 1

жеке тұлғалар үшін - 30 АЕК (129 750 теңге); лауазымды тұлғалар үшін - 50 АЕК (216 250 теңге); заңды тұлғалар үшін - 100 АЕК (432 500 теңге).

Сілтемесіз жаңалық оқисыз ба? Онда Telegram желісінде парақшамызға тіркеліңіз!