Жарық өшіп, отбасым жетістігімді білмей қалды : Ауыл баласының арманы орындалды

Бап шаба ма, бақ шаба ма: әр көктем сайын ауыл балалары өмірінің жарқын болашағы үшін IQanat Олимпиадасына қатысып, өз бағын сынайды. Әр ауыл баласы үшін Олимпиаданың финалына өтіп, IQanat мектеп-пансионатында оқу немесе интенсивті академиялық бағдарламаларға қатысу – үлкен арман. Ал сол арманға апарар жол кішкентай ғана ауылдан облыс орталығына басталады. Бұл – Олимпиаданың ІІ туры, бұған биыл еліміз бойынша 10 мың ауыл оқушысы тапсырды.

Жобаны қолдап-қолпаштайтын қамқоршылары – қазақстандық кәсіпкерлер. Сондай игі істің бірі өткен жылғы Олимпиадада болған. Алматы облысының тумасы Нұрсаида Алдабергеннің оқиғасы. Ол іріктеудің барлық кезеңінен өтіп, күн-түн демей дайындалды. Алайда бірнеше балл жетпей қалып, финалға өтпей қалды. Десе де, Нұрсаидаға қамқорлығын кәсіпкер Андрей Захаров аямады. Кәсіпкер оқушыға IQanat мектебіне қосымша – атаулы грант беру жөнінде шешім қабылдады.

– Алматыда Андрей ағаның қолынан сертификат алып тұрғанымда біздің ауылда жарық өшіп қалған екен. Соған байланысты отбасым жетістігімді білмей қалды. Кейін менің әлемдегі ең күшті мектепте оқитынымды естігенде бәр қуанды», – дейді оқушы.

Нұрсаидаға қамқорлық танытқан кәсіпкер оның сайыстағы көрсеткішіне ғана қарап таңдамағанын айтты. Тіпті, ол бұған дейін Нұрсаиданы білмеген.

–  Нұрсаиданың анасы Ағира үш баланы жалғыз тәрбиелеп өсіріп жатқанын естідім. Меніңше, бұл – құрметке лайық ерлік. Кейін олармен танысып, жақын араласқан сайын дұрыс шешім қабылдағаныма қуандым. Нұрсаида – өте жауапты әрі ұқыпты оқушы. Оған қоса, оның анасымен қарым-қатынасы мені толқытты. Себебі өз отбасымда да балалармен дәл сондай ашықтық бар», – деді ол.

Кәсіпкер Андрей Захаров өзінің мұндай шешім қабылдауына марқұм анасының өнегесі  екенін жеткізді.

– Анамнан айырылу маған өте ауыр тиді. Ол өте мейірімді жан еді. Өзі әрдайым көршілерге, оқушыларға, аула сыпырушыларға, мүгедек жандарға көмектесіп жүретін. Анамыз дүниеден өткен соң соның атынан  қайырымдылық қорын құрып, көмегімізді жалғастырдық. Қор арқылы біз IQanat балаларына, оның ішінде Нұрсаидаға да қолдауымызды аямаймыз, – дейді Андрей Захаров.

Қазір Нұрсаида Бурабайдағы IQanat мектебінде оқып жатыр. Өзі қытай тілін меңгеріп, халықаралық емтихандар мен ҰБТ-ға дайындалып жүр. Соған қарамастан қамқоршысы Андреймен байланысын үзген емес. Әлі күнге дейін онымен WhatsApp арқылы жетістігімен бөлісіп отырады.

Міне, IQanat-та мұндай оқиғалар аз емес. Қазір бүкіл ел бойынша Нұрсаида былтыр өткен секілді іріктеу болып жатыр. Ол көптеген ауыл баласының тағдырын өзгертетін мүмкіндік.

 IQanat-та мұндай оқиғалар аз емес. Қазір бүкіл ел бойынша Нұрсаида былтыр өткен секілді іріктеу болып жатыр. Ол көптеген ауыл баласының тағдырын өзгертетін мүмкіндік.

 Олимпиаданың ІІ туры 15-29 наурыз аралығында өтеді. Бірінші кезеңге қатысқан 60 мың оқушыдан іріктелген үздік 10 мың 8-сынып оқушысының басын қосады. Оның қорытындысында жазда Буарабайдағы IQanat мектеп-пансионатында оқуға грант үшін таласатын 1000 финалист анықталады. Онда балаларды халықаралық стандарттар бойынша мықты білім беру бағдарламалары, үздік ұстаздар мен университетке түсуге арналған интенсивті дайындық күтіп тұр.  

IQanat – қазақстандық 240 кәсіпкердің білім беру жобасы. Олардың қолдауы мен жүйелі бағдарламасының арқасында мектеп түлектерінің 94%-ы грант жеңіп алады. Қазірдің өзінде әлемнің 19 елінде білім алып жатыр.