Петропавлда жаңа жыл қарсаңында аз қамтылған отбасы балаларының арманы орындалды

Петропавлда тұрғындар жаңа жыл қарсаңында аз қамтылған отбасындағы балалардың арманын орындады.

500-дей бүлдіршін қалауын хатқа түсіріп, “құпия Сантаға”, яғни қала тұрғындарына жолдаған. Түрлі тілек пен арманға толы хаттар салынған жәшіктер шаһар орталығына қойылды. Кейін әр ниет білдірген тұрғын сол жерден хаттарды таңдап алып, балаларға базарлық жасады. Қайырымдылық акциясы аясында бүлдіршіндер қуанышқа кенеліп, сыйлықтарын алды. Игі шара апта соңына дейін жалғасады.

Тамила Мамедова, қала тұрғыны:

- Балалардың арманы орындалып, қатты қуандық. Волонтёрлерге ерекше алғыс айтамыз. Жаңа жыл қарсаңында атқарған олардың еңбегі зор. Демеуші тауып, жұмыстарды үйлестіргеніе қуаныштымыз.

Дамир Абдин, жастар ресурстық орталығының басшысы:

- Осынша көп хат түседі деп ойламадық. Аяз атаға хат жазып үлгірмеген балалар да бар. Оларды да назардан тыс қалдырмай, Аяз ата мен Ақшақарды ертіп, үйіне барамыз. Сыйлықтар табыстаймыз. Балалардың арманын орындау арқылы олардың болашаққа деген сенімін қалыптастырғымыз келеді.