Жел, тұман: 3 сәуірде Қазақстанның басым бөлігінде ескерту жарияланды

Маңғыстау облысында түнде және таңертең солтүстікте, орталықта тұман күтіледі.

Абай облысында түнде және таңертең солтүстікте, орталықта тұман болады.

Алматы облысында солтүстікте және оңтүстікте жоғары өрт қаупі сақталады.

Ақтөбе облысында түнде жаңбыр, батыста, орталықта кей уақытта қатты жаңбыр, күндіз солтүстікте, шығыста, орталықта жаңбыр, найзағай, бұршақ, дауыл күтіледі. Солтүстік-батыстан жел соғады, күндіз шығыста, орталықта екпіні 15-20 м/с дейін жетеді.

Батыс Қазақстан облысында түнде және таңертең батыста, солтүстікте, шығыста тұман түседі. Жел ауыспалы болады. Оралды түнде және таңертең тұман басады.

Түркістан облысында таңертең және күндіз оңтүстікте найзағай ойнайды. Солтүстік-батыстан жел соғады, таңертең және күндіз оңтүстікте екпіні 15-20 м/с дейін барады. Батыста, орталықта, солтүстікте жоғары өрт қаупі сақталады. Түркістанда жоғары өрт қаупі бар.

Атырау облысында түнде және таңертең оңтүстікте, шығыста тұман түседі. Жел ауыспалы. Атырауды түнде және таңертең тұман басады.

Павлодар облысында түнде және таңертең батыста, солтүстікте, шығыста тұман болады. Жел ауыспалы. Павлодарда да тұман күтіледі.

Шығыс Қазақстан облысында түнде және таңертең солтүстікте, шығыста тұман түседі. Жел ауыспалы. Өскеменде де түнде және таңертең тұман болады.

Қызылорда облысында күндіз оңтүстікте, орталықта жаңбыр құяды. Орталықта, солтүстікте, оңтүстікте шаңды дауыл соғып, найзағай ойнайды, бұршақ жаууы мүмкін. Батыстан, оңтүстік-батыстан жел соғады, орталықта, солтүстікте, оңтүстікте екпіні 15-20 м/с. Шығыста жоғары өрт қаупі сақталады. Ал Қызылорда қаласында күндіз найзағай ойнауы ықтимал.

Қостанай облысында күндіз оңтүстікте, батыста жаңбыр жауып, найзағай ойнайды. Батыста, солтүстікте тұман түседі. Шығыс, оңтүстік-шығыстан жел соғады, күндіз оңтүстікте, батыста екпіні 15-20 м/с. Қостанайда түнде және таңертең тұман болады.

Ақмола облысында түнде және таңертең солтүстік бөлігінде тұман күтіледі. Жел ауыспалы. Көкшетауда таңертең тұман түседі.

Ұлытау облысында күндіз батыста найзағай ойнайды. Оңтүстік-шығыс, шығыстан жел соғады, күндіз солтүстікте екпіні 15-18 м/с дейін жетеді.

Қарағанды облысында түнде және таңертең батыста, солтүстікте тұман түседі.

Жамбыл облысында түнде және таңертең таулы аудандарда тұман болады. Солтүстік-шығыстан жел соғады, солтүстік-шығыста, таулы аудандарда екпіні 15-20 м/с. Орталықта жоғары өрт қаупі бар.

Солтүстік Қазақстан облысында солтүстікте, шығыста, оңтүстікте тұман түсіп, көктайғақ болады. Оңтүстік-шығыстан жел соғады, күндіз батыста, оңтүстікте екпіні 15-20 м/с дейін барады. Петропавлда түнде және таңертең тұман, көктайғақ күтіледі. Сондай-ақ, Солтүстік Қазақстан облысында су деңгейінің көтеріліп, су тасып, жолдарды басу қаупі бар.

Жетісу облысында күндіз шығыста, батыста солтүстік-шығыстан жел соғады, екпіні 15-20 м/с. Солтүстікте, оңтүстікте жоғары өрт қаупі сақталады.

Павлодар облысында қардың қарқынды еруі, еріген су ағынының қалыптасуы, өзендердегі су деңгейінің көтерілуі күтіледі. Автожолдарды су басуы, елді мекендер мен тұрғын және шаруашылық нысандардың су астында қалуы мүмкін.

Ақмола облысында өзендердегі су деңгейі көтерілуі мүмкін, елді мекендер, автожолдар, тұрғын және шаруашылық ғимараттарды су басу қаупі бар. Тұрғындарға бағыттарын алдын ала жоспарлау ұсынылады.

Бұдан бұрын Павлодарда сәуір айының соңында 30 градустық ыстық болатыны хабарланды.