Желіде Мәдина Ерәлиеваның бұрын соңды жарияланбаған суреті тарады

Әлеуметтік желіде қазақ эстрадасының аңыз әншісі Мәдина Ерәлиеваның бұрын-соңды көпшілікке кең тарала қоймаған архивтік фотосуреттері жарияланды, – деп хабарлайды Aikyn.kz сайты.

Сирек кездесетін кадрлар Instagram желісіндегі Мәдина Ерәлиеваға арналған парақшада жарияланған.

«Айсұлтан Махамбетұлы жолдаған фотолар, рақмет!» – делінген жазбада.

Архивтік суреттерден қазақ өнерінің майталмандары – Мақпал Жүнісова, Бибігүл Төлегенова, Роза Рымбаева және Тұңғышбай Жаманқұлов сияқты танымал тұлғаларды көруге болады.

Желі қолданушылары жылы естеліктерін айтып, Мәдина Ерәлиеваның адамгершілігі мен ерекше дауысын сағынышпен еске алды.

«Роза Рымбаева апамызбен, Мәдина Ерәлиева әпкеммен түскен күнді ұмытпаймын. Сол күні бәріміз бір сахнада ән айтып, концерттен кейін Мәдина әпкеміз мені көлігімен үйге жеткізіп тастаған еді. Ғалымдар үйі, 1997 жыл», – деп жазды желі қолданушыларының бірі.

Сондай-ақ пікір қалдырушылар: «Шіркін, жарықтықтың дауысы-ай, қандай жүректен шыққан иірімдер», «Барлығы жап-жас, өмір зыр ете өтеді екен» деген әсерін бөлісті.