Жеңіл несие жарым несібе

Агроөнеркәсіпті кешенді түрде дамыту – еліміздің басым бағыттарының бірі. Мемлекет басшысы халыққа Жолдауында ауыл кәсіпкерлігін қолдауды, фермерлік шаруашылықтардың өсуіне жағдай жасауды тапсырған болатын. Осы тұрғыда «Ауыл аманаты» жобасы ауыл экономикасын дамытуға, ондағы тұрғындарының әл-ауқатын арттыруға бағытталған тиімді құралға айналып отыр.

Суретті түсірген – Ерлан ОМАР, «EQ»

Жоба алғаш қолға алынған 2023 жылғы деректерге сүйенсек, Абай облысына 2,059 млрд теңге бөлініп, 6 аудан, 96 ауылдық округті қамтыған. Нәтижесінде, өңірде 280 жаңа жұмыс орны ашылып, 210 адам өздерінің жеке кәсіпкерлігін тіркеді. Бұл көрсеткіштерден ауыл тұрғындарының кәсібін дамытып, ауыл экономикасын арттырғаны байқалады.

«Ауыл аманаты» жобасының негізгі бағыты – мал шаруашылығы мен ауыл шаруашылығын дамытуға жеңілдетілген несие беру. Қазір қарыз беру шарттары барынша жеңілдетілді. Несиелер жылдық 2,5% мөлшерлемемен 5 жылға дейін, мал шаруашылығы саласындағы жобаларға 7 жылға дейін беріледі. Ең жоғары несие қаржысы 2,5 мың айлық есептік көрсеткішке (АЕК) дейін, ауыл шаруашылығы кооперативтерін дамыту-ға – 8 мың АЕК-ке дейін белгіленген», дейді мамандар.

Бұл мүмкіндіктердің арқасында фермерлер тек мал, тұқым, ауыл шаруашы-лы­ғы техникасын, құрал-жабдықтарын сатып алып қана қоймай, қайта өңдеу кәсіпорындарын іске қосып, бал арасын өсіру ісін дамытып, тіпті наубайханалар мен жартылай фабрикаттар өндіретін цехтар сынды ауыл шаруашылығына жатпайтын кәсіпорындар аша алады. Айталық, кейінгі жылдары Абай облысында 363 несие, оның ішінде: 199 несие – ірі қара мал сатып алуға (2 709 бас), 22 несие – ұсақ мал сатып алуға (2 120 бас), 132 несие – жылқы сатып алуға (2 015 бас), 4 несие – бал шаруашылығын дамытуға (323 ара ұясы), 6 несие ауыл шаруашылығына жатпайтын бизнес ашуға берілген.

«Ауыл аманаты» жобасы ауылды жерлерде жаңа жұмыс орындарын құруға да өз септігін тигізіп отыр. Мысалы, Аягөз ауданындағы Өркен ауылының тұрғыны Шағат Екеев «Ауыл аманаты» жобасы аясында 2,5%-бен жеңілдетілген несие алып, жеке шаруашылығын дамытып отыр.

«Ауыл аманаты» жобасы – ауылдағы ағайынға берілген зор мүмкіндік. Жоба аясында 4 600 000 теңге көлемінде несие алып, ата кәсіпті, яғни жылқы өсіруді қолға алдым. Қазір асыл тұқымды 11 бас жылқым бар. Бұрын арман болып көрінген шаруаны енді нақты жүзеге асырып отырмын. Осындай қолдау көрсетілгеніне алғысым шексіз. Өйткені өңірде басқа да кәсіптер қолға алынып жатыр. Мұндай жобалар арқылы ауылымыз көркейіп келеді. Ең бастысы – туған жерде тұрақты табыс та-уып, бала-шаға несібесін ауылдан айырып отырғанға не жетсін», дейді Ш.Екеев.

Облыстық баспасөз қызметінің мәліметінше, 2023 жылдан бері «Ауыл аманаты» жобасы сәтті жүзеге асырылып, республика көлемінде 116 млрд теңгеге 17 мыңнан астам шағын несие беріліп, 20 мыңға жуық жұмыс орны ашылған.

Сонымен қатар ауылдық жерлерде мамандарды сақтап қалу мақсатында «Дипломмен – ауылға» бағдарламасы да жүзеге асырылып жатыр. Былтыр 3 700 жас маман тұрғын үй көмегіне ие болса, оның 99-ы – Абай ауданында, бұл мақсатқа 788 млн теңге бөлінген. Алдағы уақытта облыста тағы 105 маманға көмек көрсету жоспарланып отыр.

Абай облысы 

Соңғы жаңалықтар

Оқушыларға барлық жағдай жасалған

Білім • Бүгін, 07:40

Тағы бір қазақ мектебі ашылды

Білім • Бүгін, 07:30

Он үшінші білім ошағы

Білім • Бүгін, 07:20

Тағы бір колледж халықаралық ынтымақтастықтың жаңа деңгейіне шықты

Қазақстан • Кеше

Әлем және Азия рекорды: Қазақстан мергендері жалпыкомандалық есепте көш бастады

Спорт • Кеше

Бейбітшілік кеңесі туралы тағы бір мәлімет: Ақорда түсініктеме берді

Қазақстан • Кеше

Богданович мұздығында қар көшкіні қаупі жоғары

Оқиға • Кеше

Олимпиада-2026: Фристайл-акробатикадан ел намысын кімдер қорғайды?

Спорт • Кеше

Екі облыс аумағындағы автожол жабылды

Қоғам • Кеше

23 қаңтарда Астанада бірінші ауысым оқушылары қашықтан оқиды

Елорда • Кеше

«Тәуелсіздік ұрпақтары» – 2025 грантының жеңімпаздары марапатталды

Марапат • Кеше

Қазалыда теміржол үстінен өтетін аспалы көпір ашылды

Аймақтар • Кеше

Отаншыл маман даярлауды басты мақсат санаймыз

Пікір • Кеше

Мемлекет басшысы Давоста бірқатар кездесу өткізді

Президент • Кеше

Мемлекет үніңізге құлақ ассын: eOtinish-ке қанша хат келіп түседі?

Қоғам • Кеше

Барлық жаңалықтар