Жер сілкінісіне байланысты сенім телефоны іске қосылды

Бүгін сағат 12:45 шамасында Алматы қаласы мен Жетісу, Жамбыл, Алматы облыстарында жер сілкінісі тіркелді. Жер сілкінісінің дүмпу ошағы Қытай аумағында Алматы қаласынан оңтүстік-шығысқа қарай 277 шақырым жерде орналасқаны белгілі болды. Төтенше жағдайлар министрлігі жер сілкінісіне байланысты сенім телефонын іске қосты, деп жазады Egemen.kz.

Фото: pixabay.com

ТЖМ «Қазселденқорғау» ММ мамандары өзен арналарын, гидротехникалық құрылыстарды, көшкін, сел қаупі бар учаскелерді зерттеу бойынша мониторинг жүргізген. Сондай-ақ тіршілікті қамтамасыз ету нысандары тексерілген. 

Министрлік аталған нысандар зақымданбағанын, қазіргі уақытта штаттық режимде жұмыс істеп тұрғанын мәлімдеді.

Ал тұрғындардың сауалдарына жауап беру үшін ТЖМ-ның психолог мамандарымен бірлесе арнайы сенім телефоны іске қосылған. 

Алматы қаласы:  8 (727) 278 20 83, 8 (727) 278 20 84;

Алматы облысы: 8 (727) 722 60 97;

Жетісу облысы: 8 (7282) 32 44 36.

Алматы қаласы мен Жетісу, Жамбыл, Алматы облыстарында жер сілкінісінің есептік қарқындылығы 2–3 балл аралығында болған.