Жерді ең күшті геомагниттік дауыл басады

Бүгін, 6 қарашада, Жерге ғаламдық деңгейдегі магниттік дауыл соқты — олардың күші ортадан жоғары деңгейге дейін өзгеріп отыр, деп хабарлайды Arasha.kz.

Ғалымдардың айтуынша, магниттік дауылдардың себебі — плазманың қуатты лақтырылуы. Бұл процесс бірнеше күн бұрын басталған, алайда бастапқы болжам бойынша ол Жерге әсер етпеуі керек еді.

«Бұл плазма бұлттарының қазір радиалды бағытта емес, Жерге қарай ығысып шығатынын білдіреді. Сонымен қатар, олардың таралу бұрышы мен жылдамдығы есептелгеннен әлдеқайда жоғары. Бұл ертеңгі күнге қатысты көңілсіз болжамдар жасауға себеп болып отыр», — делінген жарияланымда.

Ғалымдардың болжауынша, жұма күні, 7 қарашада, Жер биылғы жылдың ең күшті геомагниттік дауылын және соңғы бірнеше жылдағы ең қуаттысының бірін бастан өткереді.

Еске салайық, 3 қарашада Күнде M5.0 деңгейіндегі жарқыл тіркелді — бұл қыркүйек айының соңынан бергі ең қуатты жарқыл болды. Бұған дейін бірқатар күшті және қарқынды жарқылдардан кейін Күн белсенділігі нөлдік деңгейге дейін түскен еді.

Ал қыркүйек айының соңында ғалымдар соңғы үш айдағы ең күшті магниттік дауылды бақылаған болатын. Мамандардың айтуынша, мұндай деңгейдегі дауыл соңғы рет 1 маусымда тіркелген.