Жетпіс процентке дейінгі жеңілдік: дүкендерде ауқымды акция басталады

АСТАНА, 11 наурыз – Sputnik. Қазақстанда Наурыз мейрамы қарсаңында "Nauryz Sale" мерекелік акциясы басталады. Дүкендерде тауарды 70 процентке дейінгі жеңілдікпен сатып алуға болады, деп хабарлайды Sputnik Қазақстан сауда және интеграция министрлігіне сілтеме жасап.

Мерекелік акция 13-23 наурыз аралығында өтеді. Оған Magnum, Small, Galmart, Анвар, Дина, Toimart, Астықжан, Аян, Greenwich сияқты супермаркеттер, сондай-ақ Mega Silk Way, Keruen, Keruen City, Аружан, Сарыарқа, Shymkent Plaza және тағы басқа сауда үйлері қатысады.

"Акция кезінде сауда субъектілері халыққа азық-түлік және азық-түлік емес тауар топтарына 10–70 пайыз аралығында мерекелік жеңілдіктер ұсынады", - делінген ресми хабарламада.

Акциялық тауарлар арнайы жерлерде тұрады. Отандық өнімдер ұсынылатын арнайы сату аймақтары да ұйымдастырылады. Ондағы тауарлар нарықтан орта есеппен 10-20 пайызға төмен бағамен сатылады.