Жобаға сай емес: Атырауда заңсыз салынған 10 қабат бұзылуы мүмкін

Атырау облысы Мемлекеттік сәулет-құрылыс бақылауы басқармасымен «Асель» ТҮК  Атырау қаласы, Әбілқайыр Хан даңғылы 70Б мекенжайда орналасқан тұрғын үйге жоспардан тыс тексеріс жүргізілді. 

Оған құрылыстың бекітілген жобаға сәйкестігіне алаңдаушылық білдірген тұрғындардың шағымы негіз болды. 

Ведомствода хабарлағандай, тексеру барысында жобалық құжаттаманың өрескел бұзылғаны анықталды - құрылыс салушы бастапқыда жобада қарастырылмаған 10-қабаттың үстінен қосымша құрылысты өз бетінше жүргізген.

Тексеру қорытындысы бойынша құрылыс салушы компания әкімшілік жауапкершілікке тартылды.

Сонымен қатар, Басқарма сотқа құрылыс салушыны заңсыз тұрғызылған 10-қабатты бұзуға немесе алып тастауға міндеттеу туралы талап арыз түсірді.

Ведомство мұндай бұзушылықтар тұрғындардың қауіпсіздігіне қауіп төндіретінін ескертіп, сот тәртібімен жойылуға жататынын атап өтті.

Бүгін, 14:24