Жүргізушілерге қайырымдылық жүгірісіне байланысты Астанадағы жолдардың жабылатыны туралы ескертілді

Астанада жексенбі, 9 тамызда бірнеше көшеде көлік қозғалысына уақытша шектеу қойылады. Шектеулер жаппай спорттық іс-шараның өтуіне байланысты, деп хабарлайды Tengri Auto.

Ұйымдастырушылар мәліметінше, сағат 7:00-ден 8:05-ке дейін Түркістан көшесіндегі Abu Dhabi Plaza ғимаратына қарай бағытталған бір жолақ ішінара жабылады.

Ал 7:00-ден 7:40-қа дейін Ұлы Дала даңғылында қозғалыс толықтай шектеледі.

Бұдан бөлек, сағат 7:10-нан 9:15-ке дейін Ақмешіт көшесінде мәре сызығы орналасқан Экспо алаңына қарай бағытталған бір жолақ жабылады.

Жүргізушілер мен жаяу жүргіншілерге жол бағытын алдын ала жоспарлап, сапар кезінде уақытша шектеулерді ескеру ұсынылады.

Астанадағы жолдардың жабылуы 20 шілдеден бастап 2026 жылдың аяғына дейін Алматы көшесінің Ақмешіт көшесінен Сауран көшесіне дейінгі бөлігі толығымен жабылады; 18 маусымнан бастап 2026 жылға дейін Алматы көшесінің Ақмешіт көшесінен Түркістан көшесіне дейінгі бөлігінде қозғалыс толық тоқтатылды.

Google News арқылы жаңалықтарымызды қадағалаңыз

Жазылу