Астанадағы жол жөндеу жұмыстарына байланысты полиция жүргізушілерге үндеу жасады

Көлік кептелісінің жиілеуіне орай, полиция жүргізушілерден жол қозғалысы ережелерін қатаң сақтауды және жолда жанжал туғызбауды сұрайды. 

2026 жылғы жол-құрылыс маусымының басталуына байланысты бірнеше көшеде көлік қозғалысына уақытша шектеулер енгізіліп жатыр. Бұл өзгерістер туралы ақпарат бұқаралық ақпарат құралдары арқылы алдын ала хабарланады. 

Жол жөндеу жұмыстары жол қауіпсіздігін арттыру және сапалы инфрақұрылым қалыптастыру мақсатында жүргізіледі. Жұмыс кезеңінде жүргізушілерге баламалы қозғалыс бағыттары ұсынылады. 

Қала тұрғындары мен қонақтарына жолдағы кептелістерді азайту үшін қозғалыс бағыттарын алдын ала жоспарлау қаперге салынды. 

Жыл басынан бері жол жабынын бүлдіргені үшін шамамен 30 жүргізуші әкімшілік жауапкершілікке тартылған. 

Жолдардың сапасы мен қауіпсіздігі жол қозғалысының жалпы жағдайына және жол пайдаланушылардың қауіпсіздігіне тікелей әсер етеді. 

Бұдан бұрын Алматы әуежайы жөндеу жұмыстарына байланысты жолаушыларға үндеу жасағанын хабарлағанбыз.