Журналист Азат Рыстанбек дүниеден озды

Қайғылы хабар. «Хабар» Агенттігінің бағдарламалар өндірісі бөлімінің шеф-редакторы, есімі елге белгілі тележурналист Азат Рыстанбек дүниеден озды.

Азат Сардарбекұлы ұзақ жылдар бойы қазақ телевизиясының дамуына өлшеусіз үлес қосты. Кәсіби шебер телемаман 2000 жылдары лаңкестік ұйымдар мен қалың секта туралы бейнематериалдар жасады. Түркістан легионы сапында болған жауынгерлердің тарихын жазды. Сұрапыл жылдары шекара асып Анадолыға дейін жеткен қаймана қазақтың жоқшысы болды. Жеңістің 85 жылдығына орай, сонау Еуропаның бірнеше елін аралап, «Хабар» арнасының контент қоржынын үш бөлімнен тұратын біртұтас деректі фильммен толықтырды. "Қарсыласу қозғалысы", "Петсамо-Киркенес операциясы" және "Жат жұртта қалған жауынгер" деп аталған циклды деректі фильмдерінде екінші Дүниежүзілік соғыстың құпия сақталған құжаттарын, айтылмаған ақиқаттарын зерттеді. Хабар агенттігінің 30 жылдығына арнап өмірден озған әріптестері жайында “Есімдері есімізде” атты деректі фильм түсірді. Азат Рыстанбектің қазақ телевизиясына сіңірген елеулі еңбегі ескеріліп, "Халық алғысы"  төсбелгісімен марапатталған. Президенттің алғыс хатын иеленген. Ақпарат саласының үздігін атанған. Агенттік ұжымы марқұмның отбасы мен туған-туыстарына қайғыра көңіл айтады.